
Serdanên heyeta KCD, DBP û HDP’ê yên yekitiyê didomin 

2021-01-21 15:46:54


	&nbsp;

	SÊRT – Hevserokê Giştî yê BDP’ê Keskîn Bayindir, di dema serdanên wan ên çarçoveya yekitiya neteweyî ya kurd de li navçeya Misircê axivî û diyar kir ku kurd li dijî zextên AKP û MHP’ê li ber xwe didin.&nbsp;

	&nbsp;

	Hevserokê Giştî yê Kongreya Civaka Demokratîk (KCD) Berdan Ozturk, Hevserokên Giştî yên Partiya Herêmên Demokratîk (DBP) Salîha Aydenîz û Keskîn Bayindir, Serokwekîla Koma HDP’ê Meral Daniş Beştaş û Parlamenterê HDP’ê yê Sêrtê Sidik Taş, di çarçoveya xebatên yekitiya neteweyî de di roja duyemîn de serdanên xwe yên li Sêrtê didomînin. &nbsp;Heyetê, di çarçoveya xebatên xwe de îro serdana navçeya Misircê ya Sêrtê kir û bi esnafên navçeyê re hat gel hev.&nbsp;

	&nbsp;

	BAYINDIR: KURD LI BER XWE DIDIN

	&nbsp;

	Beriya serdana esnafan heyet li Rêxistina HDP’ê ya Navçeyê bi gel re hat gel hev. Hevserokê Giştî yê DBP’ê Keskîn Bayindir, li vir axaftinek kir û bal kişand ser zextên AKP-MHP’ê yên li ser kurdan û wiha got: “Li dijî zextên zêdebûyî yên desthilata AKP-MHP’ê gelê kurd li ber xwe dide. Li dijî vê faşîzmê bi salan e gelê kurd li ber xwe dide. Her zext û tundî berxwedanê zêde dike. Ev berxwedan tirs û faşîzma ku ew dixwazin ava bikin têk dibe. Me di serdanên xwe yên li gelek bajaran de ev yek dît. Me di serdanên xwe yên navçe û bajaran de dît ku gel tirsê ji ser xwe avêtiye. Meşa li Wanê mînaka dawîn a vê yekê ye.”

	&nbsp;

	Piştre heyet serdanan esnafan kir. Esnafên kolanên Yenîdogan, Emniyet, Beykent û kolana Hunerê bi eleqeyeke zêde heyetê pêşwazî kirin. Esnafan pirsgirêkên xwe yê aborî ji heyetê re ragihandin û gotin ku pirsgirêka bingehîn a kurdan yekitiya neteweyî ye. Heyetê piştre jî li navçeyê serdana malbatan kir.

	&nbsp;