
Li Licê 27 kes hatin girtin 

2021-01-25 16:35:21


	&nbsp;

	AMED – Di operasyonên ku ji 9’ê çileyê ve li navçeyê Licê tên domandin de 27 kes hatin girtin.&nbsp;

	&nbsp;

	Li gundên Cinezur, Dêrxust, Hiseynik û Mişirfê yên navçeya Licê ya Amedê ji 9’ê çileyê ve operasyonên leşkere tên lidarxistin. Roja destpêkê ya operasyonê di navbera leşker û HPG’iyan de şer derket û leşkerek jiyana xwe ji dest dabû û 3 leşker jî birîndar bûbûn.&nbsp;

	&nbsp;

	8 KES GIRTIBÛN

	&nbsp;

	Piştre leşkeran bi ser gundên herêma operasyonê de girtibûn û gelek kes binçav kiribûn. Di serdegirtinan leşkeran gefan li gundiyan xwaribûn. Mehmet Şah Bozkûş, Siddik Ozkan (63), Ferzende Ozkan, Omer Yildirim re 8 kesên ku di serdegirtinên di navbera 9 û 18’ê çileyê de hatibûn binçavkirin, bi angaşta “endamtiya rêxistinê” hatibûn girtin.&nbsp;

	&nbsp;

	HDP’Ê SERDANA GUNDIYAN KIR

	&nbsp;

	Piştî girtina parlamenterên HDP’ê Remziye Tosûn, Semra Guzel û gelek rêveberên HDP’ê çûbûn serdana gundan û bi gelê herêma operasyonê re hatibûn gel hev. Gundiyan, di hevdîtinê de diyar kiribûn ku roja operasyonê gelek tirsiyane û leşkeran heqaret li wan kirine û destê wan di pişt de kelemçe kirine. Lêkolînên heyeta HDP’ê yên derbarê herêmê de didomin.&nbsp;

	&nbsp;

	OPERASYONA DUYEMÎN

	&nbsp;

	Piştî van binçavkirin û girtinan operasyoneke din a mezin li herêmê hat destpêkirin. Di çarçoveya vê operasyonê de leşkeran di 19’ê çileyê de li navend Licê û gelek gundên herêma operasyonê bi ser malan de girtin û bi angaşta “hişbirê” 35 kesan binçav kirin. Ji van 35 kesan 19 jê hatin girtin û 7 jê jî bi şertê kontrola edlî bi giştî 16 kes jî hatin berdan.&nbsp;

	&nbsp;

	ELEQEYA OPERASYONÊ BI HIŞBIRÊ RE TUNEYE

	&nbsp;

	Li gorî agahiyên ku ji çavkaniyên herêmê hatin wergirtin eleqeya operasyonê bi hişbirê re tuneye û ji ber şerê di 9’ê çileyê de operasyonê tên berdewamkirin. Çavkaniyan destnîşan kir ku leşkeran dema serdegirtina malan diyar kirine ku ew li HPG’iyê birîndar digerin. Dîsa li gorî çavkaniyan liv û tevgera leşkerî li herêmê didome û gelek gundî ji ber operasyonan nikarin biçin gundê xwe û li navenda navçeyê mane.&nbsp;

	&nbsp;