
27 sal in agahî ji Taşdemîr nayê girtin  

2021-01-30 12:30:46


	&nbsp;

	AMED – Şaxa ÎHD’ê ya Amedê û Xizmên Windayan li aqûbeta Mehmet Salîm Taşdemîr ê 27 sal berê hat windakirin pirsîn.&nbsp;

	&nbsp;

	Komeleya Mafê Mirovan (ÎHD) a Şaxa Amedê û Xizmên Windayan di hefteya 625’emîn de çalakiya bi daxwaza “Bila winda bên dîtin û kujer werin darizandin” li dar xist û ji ber pandemiyê bi rêya vîdeoyê di hesabên medya civakî de hat parvekirin. Vê hefteyê li aqûbeta Mehmet Salîm Taşdemîr ê di kanûna 1994’an de li Edeneyê serê sibê diçû kar û carek din agahî jê nehat girtin hat pirsîn. Rêvebera Şaxa ÎHD’ê Derya Yildirim çîroka windakirina Taşdemîr xwend.&nbsp;

	&nbsp;

	BI ÎŞKENCEYÊ RE RÛBIRÛ MAYE&nbsp;

	&nbsp;

	Yildirim da zanîn ku Taşdemîr di kanûna 1994’an de serê sibê dema diçû kar hatiye revandin û ji wê rojê ve agahî jê nehatiye girtin. Yildirim anî ziman ku li gel hemû hewldanên malbatê jî heta niha negihîştine tu şopa Taşdemîr û sê meh piştî bûyerê kesek li malbatê digere dibêje Taşdemîr li Fermandariya Cendirmeyan a Mêrdînê di binçavan de ye û bi îşkenceyê re rûbirû maye.&nbsp;

	&nbsp;

	‘TEVÎ HEWLDANAN JÎ AGAHÎ NEGIRTINE’&nbsp;

	&nbsp;

	Yildirim destnîşan kir ku tevî ku malbatê serî li cendirmeyan daye jî nehatiye piştrastkirin ku Taşdemîr li wir tê ragirtin û ji wê rojê ve tu his û agahî jê nayê girtin. Yildirim anî ziman ku ew ê li aqûbeta Taşdemîr û windayan hemû bipirsin û dê lêgerîna xwe ya edaletê jî bênavber bidomînin.&nbsp;

	&nbsp;