
Xwendekar: Berxwedana Bogazîçiyê destpêkek e  

2021-02-20 09:11:54


	STENBOL - Xwendekaran anîn ziman ku berxwedana Zanîngeha Bogazîçiyê perçeyeke ji hêrsa lihevkombûyî ye û gotin: "A rast, ev hê destpêk e. Heya qeyûm îstifa neke û dorpêç neyê belawelakirin dê têkoşîn dewam bike."&nbsp;

	Çalakiyên li dijî tayinkirina rektorê qeyûm Melîh Bûlû yê AKP'î, didomin. Akademîsyen guh li rektorê qeyûm nakin û li seranserê Tirkiyeyê xwendekaran dadikevin kuçeyan û dibêjin: "Rektor qeyûm îstifa." Xwendekaran diyar kir ku ew qeyûman naxwazin û ji bo vê yê bexwedana wan dewam bike.&nbsp;

	&nbsp;

	Endama Hêzên Şoreşger a Ciwanan (Dev-Guç) Esra Can, polîtîkaya qeyûman bi vî awayî şîrove kir: "Îqtidar, gava nikare derekê bi hilbijartinê bi dest bixe yan jî zane dê nikaribe bi ser bikeve, radibe mafên hin derdoran xesp dike û vîna wan binpê dike. Pêkanîneke nerewa ye."&nbsp;

	&nbsp;

	Can, destnîşan kir ku îqtidar bi çavê talûke û xetereyê li hemû kesên muxalif dinere û got: "Dixwaze hemû çandên dijberî xwe ji holê rake. Gava em li bajarên kurdan mêze dikin, em dibînin ku bi destên qeyûman ziman, nasname û çanda wan deran nayê naskirin. Her wiha bi heman awayî li zanîngehan jî dixwaze hemû tiştî têxe destê xwe. Mufredat bixwe jî li dijî mafên siyasî yên heyî tên revîzekirin."&nbsp;

	&nbsp;

	PERWERDEHÎ HEPSÎ TARÎTIYÊ HAT KIRIN&nbsp;

	&nbsp;

	Can, anî ziman ku bi tayinkirina rektorên qeyûm tê xwestin ku saziyên pewerdehiyê di nav tarîtiyê de bên hespkirin û got: "Bi vî awayî tê xwestin ku li zanîngehan perwerdehiya zanistî bê tasfiyekirin û zanîngeh bibin formeke ku xizmeta sermeyayê û aqilê îqtidarê bikin."&nbsp;

	&nbsp;

	HÊRSA CIWANAN&nbsp;

	&nbsp;

	Can, destnîşan kir ku a rast berxwedana ku bi Bogazîçiyê dest pê kiriye destpêkek e û got: "Ji zû de ye ciwan li dijî dorpêçan bihêrs e. Axirê ev hêrsa lihevkombûyî xwe da der. Ev jî tê wateya ku êdî ciwan zextan û dorpêçan tamûl nakin. Heta ev dorpêç neyê belavkirin dê têkoşîna me dewam bike."&nbsp;

	&nbsp;

	'DIXWAZIN ME BIKIN DÎLGIRTIYÊ FAŞÎZMÊ' &nbsp;

	&nbsp;

	Endamê Yekîtiya Xwendekarên Şoreşger (DOB) Mûhammed Hîzmetçî jî ji ber piştgiriya protestoyan kiriye cezayê hepsa malê lê hatiye birîn. Hîzmetçî got: "Rektorê qeyûm, tê wateya ku faşîzm pergala perwerdehiyê têxe bin zordestiya xwe. Sedemeke taybet a êrîşên li ser xwendekarên demokrat, muxalif û zanîngehan heye. Dixwazin me bikin dîlgirtiyê faşîzmê."&nbsp;

	&nbsp;

	Hîzmetçî, destnîşan kir ku karê ewil ê qeyûm hedefgirtina xwendekarên muxalif bûye û got: "Her wiha ji bo serdestiya xwe ya li zanîngehê jî xurt bike, ewleparêz anîn û hejmara kamerayên dibistanê zêde kirin." Hîmetçî, anî ziman ku ji bo daxwazên wan pêk bên divê rektorê qeyûm biçe."&nbsp;