
Dadgehê 6 sal ceza li hevşaredara berê birî  

2021-03-03 13:56:15


	&nbsp;

	ANTALYA - Dadgeha Antalyayê bi îdiaya “endamtiya rêxistinê” 6 sal û 3 meh ceza li Hevşaredara Peyasê ya berê Fatma Arşîmed birî.&nbsp;

	&nbsp;

	Danişîna biryarê ya doza Hevşaredara Peyasê ya DBP’ê ya berê Fatma Arşîmed ku bi îdiaya “endama rêxistinê ye” negirtî dihat darizandin, li Dadgeha Cezayê Giran a 10'emîn a Antalyayê hat lidarxistin. Danişîn duh hat lidarxistin. Arşîmed û parêzerê xwe Ramazan Gokalp beşdarî danişînê bûn. Dozger xwest Arşîmed bi heman îdiayê were cezakirin. Arşîmed parastina xwe kir û diyar kir ku xebatên wê birêve birine di çarçoveya partiya siyasî de bûne û xwest were beraetkirin.&nbsp;

	&nbsp;

	Parêzer Ramazan Gokalp jî xwest miwekîla wî were beraetkirin.&nbsp;

	&nbsp;

	Şandeya dadgehê daxwaza parêzer û miwekîla wî red kir û li ser daxwaza dozger bi îdiaya “endamtiya rêxistinê” 6 sal û 3 meh ceza li Arşîmed birî.&nbsp;

	&nbsp;

	&nbsp;