
Destûr nadin kes biçe cihê ku helîkopter lê ket xwarê

2021-03-05 13:52:14


	WAN - Li qada helîkoptera li navçeya Tetwanê duh bi şev ket, lêpirsîn hat destpêkirin û destûr nadin kes biçe wê heremê.&nbsp;

	&nbsp;

	Li Gundê Şamîran a navçeya Tetwan a Bilîsê, duh di encama ketina helîkoptera eskerî de, fermandarê Parartêşa 8’emîn Korgeneral Osman Erbaş jî, di nav de 11 eskeran jiyana xwe ji dest dan û 2 esker birîndar bûn. Dermankirina eskerên birîndar li Nexweşxaneya Dewletê ya Tetwanê didome. Herema ku bûyer lê pêkhat, eskeran ji duh ve dorpêç kiriye.

	&nbsp;

	AKAR: WÊ ÎRO DEST BI LÊKOLÎNAN BÊ KIRIN

	&nbsp;

	Wezîrê Parastinê Hûlûsî Akar, diyar kir ku ferman daye tîmên berpirsiyar ku îro dest bi lêkolînan bê kirin. Ji aliyê din AFAD û tîmên berpirsiyar ên lêgerînê dest bi lêkolînan kir. Hat hîn bûn ku piştî xebata tîman qediya, wê kavilê helîkopterê bê rakirin.

	&nbsp;

	TENÊ DESTÛRÊ DIDIN GUNDIYAN

	&nbsp;

	Esker, bi hinceta “Wê kavil bê rakirin, erebeyên giran li wir dixebitin, bila astengî çênebe” destûrê nadin ku rojnameger û maşîneyên sivîl biçin cihê bûyerê. Esker tenê destûrê didin şêniyên Gundê Şamîran.

	&nbsp;