
Dayikên Aştiyê li dadgehê bi kurdî xwe parastin  

2021-03-11 15:47:44


	&nbsp;

	STENBOL - &nbsp;Dayikên Aştiyê yên li ber Girtîgeha Bakirkoyê ji ber piştgirî dabûn çalakiya greva birçîbûnê ya sala 2018 û 2019’an tên darizandin. Dayik derketin pêşberî dadger û parastina xwe bi kurdî kirin.&nbsp;

	&nbsp;

	Li Stenbolê 15 Dayikên Aştiyê ji bo piştgiriya çalakiya greva birçîbûnê ya di sala 2018’an û 2019’an de bikin li ber Girtîgeha Bakirkoyê daxuyanî dabûn. Dayik hatibûn binçavkirin û pişt re hatibûn berdan. Bi îdiaya “li dijî qanûna meş û civînan derketine û li dijî polîsan derketine” doz li dayikan hatibû vekirin. Danişîna 3’yemîn a doza dayikan li Dadgeha Cezayê Asliye ya Bakirkoyê hat lidarxistin.&nbsp;

	&nbsp;

	Latîfe Bugday, Surreya Kilinç, Nesîbe Başaran, Zubeyde Adar, Selamet Demîr, Sînem Guzel, Emîne Erbek, Hafîze Şahîn, Ayşegul Yalçin, Sumanperî Akyildiz, Kumrî Akgul û Zehra Dogan ên negirtî tên darizandin û parêzerên xwe beşdarî danişînê bûn. Dayikan li dadgehê parastina xwe bi kurdî kirin û xwestin werin beratkirin.&nbsp;

	&nbsp;

	Şandeya dadgehê xwest kêliya daxuyaniyê ka hişyariya belavbûnê hatiye kirin an nehatiye kirin were lêkolînkirin û danişînê taloqî 13’ê tîrmehê kir.&nbsp;

	&nbsp;

	&nbsp;