
Li Mêrsînê banga beşdariya Newrozê hat kirin  

2021-03-15 14:49:26


	&nbsp;

	MÊRSÎN - Komîteya Amadekar a Newroza Mêrsînê banga beşdariya pîrozbahiya Newrozê ya wê di 20’ê adarê de were lidarxistin kir.&nbsp;

	&nbsp;

	Komîteya Amadekar a Newroza Mêsînê têkildarî pîrozbahiya Newrozê ya wê di 20’ê adarê de li Mêrsînê were lidarxistin li avahiya HDP’ê daxuyanî da çapemeniyê. Endamên Komîteya Amadekar û rêveberên HDP’ê beşdarî daxuyaniyê bûn û pankarta “Em bi agirê Newrozê li ber xwe bidin, bi ser bikevin” daliqandin .

	&nbsp;

	‘DAXWAZA KURDAN AŞTÎ YE’&nbsp;

	&nbsp;

	Serokê Komîteya Amadekar parêzer Ozgur Çaglar anî ziman ku yek ji pîrozbahiyên herî watedar a dîrokê Newroza sala 2013’an bû û heke deklarasyona Newroza 2013’an li ber çavan bihata girtin, wê îro li Tirkiyê û Rojhilata Navîn heyamek cuda hebûya. Çaglar got gelên Tirkiyê aştîyek civakî daxwaz dike û ew dixwazin ev Newroz bibe wesîleya aştiyê, çimkî tenê daxwaza gelê kurd aştî ye.&nbsp;

	&nbsp;

	Çaglar anî ziman ku Newroz remza biharê, berxwedan û azadiyê ye û Newroz ji bo gelê kurd diyariyek e.&nbsp;

	&nbsp;

	&nbsp;

	Çaglar diyar kir ku wê di 20’ê adarê de roja şemiyê saet li 11.00’an li Qada Mitîngê ya Tirmil pîrozbahiya Newrozê li dar bixin û tevahiya xelkê bajêr vexwend Newrozê.&nbsp;

	&nbsp;

	Hevserokê Rêxistina HDP’ê ya Bajêr a Mêrsînê Mehmet Aliç jî banga beşdariya Newrozê li xelkê bajêr kir.&nbsp;

	&nbsp;