
ÎHD û TÎHV: Divê Turkdogan demildest were berdan  

2021-03-19 11:44:13


	ENQERE - ÎHD û TÎHV’ê binçavkirina Hevserokê Giştî yê ÎHD’ê Ozturk Turkdogan şermezar kir û xwestin demildest were berdan.&nbsp;

	&nbsp;

	Hevserokê Giştî yê Komeleya Mafê Mirovan (ÎHD) Ozturk Turkdogan vê sibehê ji aliyê polîsan ve di çarçoveya lêpirsînek ji aliyê Serdozgeriya Komarê ya Enqereyê ve hatiye destpêkirin hat binçavkirin.&nbsp;

	&nbsp;

	ÎHD’ê û Weqfa Mafê Mirovan a Tirkiyê (TÎHV) têkildarî binçavkirina Turkdogan daxuyaniyek nivîskî belav kirin. Di daxuyaniyê de wiha hat gotin: “Rêzdar Hevserokê me û Endamê Desteya Sazûmankariya me Ozturk Turkdogan bila demildest were berdan. Em carek din dibihîzin ku Turkdogan di operasyonek sibeha înê de hatiye binçavkirin û ev fikara me zêde dike.&nbsp;

	&nbsp;

	SOYLÛ HEDEF NÎŞAN DABÛ&nbsp;

	&nbsp;

	Rêzdar Hevserokê me Ozturk Turkdogan ji sala 1986’an vir ve di nava rêxistina mafê mirovan ÎHD’ê de dixebite. Ji sala 2008’an vir ve serokatiya ÎHD’ê dike û 13 sal in bênavber vê wezîfeyê birêve dibe. Wezîrê Karên Navxweyî Suleyman Soylû di Desteya Giştî ya Meclîsê de axivîbû û ÎHD’ê kiribû armanc. Ev binçavkirina piştî eşkerekirina Pilana Bernameya Mafê Mirovan a hat eşkerkirin de pêk hat nayê qebûlkirin.&nbsp;

	&nbsp;

	TAVILÊ BERDIN&nbsp;

	&nbsp;

	Em carek din bi bîr dixin ku Tirkiye alîgirê Danezana Parastina Mafê Mirovan a Neteweyên Yekbûyî ye. Em dixwazin demildest dawî li vê sepana bêhiqûqiyê were û rêzdar hevserokê me Ozturk Turkdogan bila li tavilê were berdan.”&nbsp;

	&nbsp;