
SES’ê serdana malbata Şenyaşar kir 

2021-03-19 15:47:27


	&nbsp;

	RIHA – Rêveberiya Şaxa SES’ê ya Rihayê, malbata Şenyaşar ku li ber Edliyeya Rihayê çalakiya rûniştînê ya bi daxwaza “edaletê” digirin ziyaret kir û Hevserokê Şaxê got ku ew li cem malbata Şenyaşar in.

	&nbsp;

	Rêveberiya Şaxa Sendîkaya Kedkarên Xizmetên Civakî û Tenduristiyê (SES) a Rihayê, serdana malbata Şenyaşar ku li ber Edliyeya Rihayê çalakiya rûniştînê ya bi daxwaza “edaletê” digirin ziyaret kir. Hevserokên Şaxa SES’ê Eylem Salar û Salîh Karataş jî di nav de heyeta SES’ê bi Emîne Şenyaşar û kurê wê Ferît Şenyaşar re hevdîtin kir û piştevaniya xwe ya ji bo wan aşkera kir.&nbsp;

	&nbsp;

	GAZIND ÊN EMÎNE ŞENYAŞAR&nbsp;

	&nbsp;

	Emîne Şenyaşar, bi zêmar serboriya xwe ji heyetê re vegot û diyar kir ku zarokên wê li nexweşxaneyê li ber çavê wê hatine qetilkirin û xwest ku qeydên qamereyan ên van kêliyên derkevin holê û ev gazind kirin: “Dewlet tuneye. Hikûmet tuneye. Tiştên hatin serê me qet nabînin.”&nbsp;

	&nbsp;

	‘EM LI CEM MALBATA ŞEYAŞAR IN’

	&nbsp;

	Piştî Emîne Şenyaşar Hevserokê Şaxa SES’ê Salîh Karataş jî axivî û ev tişt gotin: “Li dijî daxwaza “edaletê” ya malbata Şenyaşar herkes ker û kor bûye. Kes qêrîna dayikeke ku 3 sal in edaletê dixwaze nabihîze. Zihniyeta ku qeydên nexweşxaneyê tune dike û dixwaze ser bûyerê bigirin piştî têkçûna vê hikûmetê wê hesabê vê bide. Mixabin êdî daraz ne gîrêdayî qanûnan girêdayî kesan e. Heta ku ev pargala darazê bi dawî bibe em li cem malbata Şenyaşar in.”

	&nbsp;