
Daxuyaniya Walîtiya Şirnexê ya derbarê 2 zarokên pêl mayinê kirin de  

2021-03-21 19:57:32


	&nbsp;

	ŞIRNEX - Walîtiya Şirnexê, derbarê 2 zarokên ku pêl mayinê kiribûn û jiyana xwe ji dest dan de daxuyanî da.&nbsp;

	&nbsp;

	Li mezrika Yekmal a navçeya Qilebanê ya Şirnexê Yûsûf Atayê 14 salî û Caner Sakê 16 salî gava heywanên xwe diçêrandin pêl mayinê kirin û jiyana xwe ji dest dan. Walîtiya Şirnexê derbarê her du zarokan de di malpera fermî ya walîtiyê de daxuyaniyek bi nivîskî parve kir.

	&nbsp;

	Walîtiyê di daxuyaniya xwe de diyar kir ku welatiyên bi navê Yûsûf Ata (14) û Caner Sak (16) salî di 21.03.2021'ê saet di 15.00'an de gava heywanê xwe diçêrandin muhîmatek teqiyaye û ji ber vê birîndar bûye û bi helîkopterê sewqî Nexweşxaneya Dewletê ya Şirnexê hatine kirin, lê belê ligel hemû mudaxileyan jî jiyana xwe ji dest dane. Walîtiyê ragihand ku Dozgeriya Komarê a Qilebanê derbarê bûyerê de lêpirsîna edlî daye destpêkirin.&nbsp;