
Rojnameger Îbrahîm Karakaş nehat berdan 

2021-03-23 16:09:24


	&nbsp;

	EDENE - 1'emîn danişîna doza xebatkarê Rojnameya Yenî Yaşamê Îbrahim Karakaş pêk hat. Heyeta dadgehê biryara berdewama girina Karataş da û danişîna dozê taloq kir.&nbsp;

	&nbsp;

	Rojnameger û xebatkarê Rojnameya Yenî Yaşamê Îbrahîm Karataş di 6'e mijdara 2020’an de hatibû girtin. 1'emîn danişîna doza Karataş li 11'emîn Dadgeha Cezayên Giran a Edeneyê pêk hat. Rojnameger Karakaş, ji Girtîgeha Tîpa F a Kurkçulerê ya Edeneyê bi rêya (SEGBÎS) beşdarî danişînê bû. Parêzerê Karakaş Tugay Bek û malbata Karataş li salonê amade bûn. Piştî aşkerekirina nasnameyan, Karakaş, parastin kir û sûcê li dijî xwe red kir.&nbsp;

	Karakaş, anî ziman ku îfadeya şahid Huseyin Durudeniz ne raste û wê demê piştî Rojnameya Ozgur Gundê bi KHK'ê hat girtin li cem malbata xwe bû. Karakaş, piştî parastinê beraeta xwe xwest.&nbsp;

	&nbsp;

	Şahid Huseyin Durudeniz jî bi rêya SEGBÎS'ê îfade da û agahiyên bi nakok da. Durudenîz, anî ziman ku di DÎHA û Rojnameya Ozgur Gundemê de kar kiriye û Karakaş ji wir nas dike. Durudeniz, di îfadeya polîsan de gotibû ku Karataş di çapemeniya Duran Kalkan de bû, lê li salona dadgehê anî ziman ku tiştekî wisa negotiye.&nbsp;

	&nbsp;

	Parêzerê Karakaş &nbsp;Tugay Bek, &nbsp;jî parastin kir û anî ziman ku şahid îfadeyên nakokî dide û wiha got: "Muwekilê min rojnameger e. Hemû xebatên wî li ser esasê rojnamegeriyê hatine kirin. Muwekilê min ne endamê rêxistinê ye. Tu şika wî ya bireve tune ye. Divê bê berdan."&nbsp;

	Lê dozger jî xwest Karakaş girtî bê darizandin. Heyeta dadgehê piştî navberê biryar da ku Karakaş girtî bê darizandin û danişîna dozê taloqî 4'ê Gulanê kir.&nbsp;

	&nbsp;

	&nbsp;

	&nbsp;

	&nbsp;