
Ji hevşaredarê Gêlê re 15 sal ceza hat xwestin 

2021-03-24 14:06:30


	&nbsp;

	AMED – Di doza ku bi angaşta “endamtiya rêxistinê” li Hevşaredara Gêlê Gulistan Ensarîoglû ji peyvirê hatibû girtin hatibû vekirin deji 7 salan heta 15 salan cezayê girtîgehê hat xwestin.&nbsp;

	&nbsp;

	Hevşaredara Gêlê Gulistan Ensarîoglû, di 30’ê îlona 2020’an de di çarçoveya lêpirsîna ku li dijî Kongreya Civaka Demokratîk (KCD) hatibû destpêkirin de di serdegirtina malê de hatibû binçavkirin û piştre jî ji peywirê hatibû girtin. Piştre jî bi angaşta “endamtiya rêxistinê” doz li Enserîoglû hatibû vekirin û îro 2’yemîn danişîna doza Enserîoglû li 9’emîn Dadgeha Cezaya Giran a Amedê hat dîtin.&nbsp;

	&nbsp;

	Hevşaredara Ensarîoglû ku berdayî tê darizandin û parêzerên xwe Ferîde Laçîn û Ûgûr Bîngol tevlî danişînê bûn. Di danişînê de dozger mutalaaya xwe pêşkêşî dadgehê kir û xwest ku ji sûcê “endamtiya rêxistinê” ji 7 salan heta 15 salan ceza li Ensarîoglû bê birîn.&nbsp;

	&nbsp;

	Parêzerên Ensarîoglû ji bo ku li dijî mutalaayê parastinê bikin daxwaza dema zêde kirin. Piştî navberdayinekê heyeta dadgehê biryar da ku biryar kontrola edlî ya derbarê Ensarîoglû de bê domandin û daxwaza parêzeran a ji bo parastinê qebûl kir û danişînê taloqî 28’ê hezîranê kir.&nbsp;

	&nbsp;