
Dadgehê 99 sal ceza li 12 siyasetmedaran birî 

2021-03-27 12:44:03


	&nbsp;

	ŞIRNEX - Şandeya Dadgehê li 12 kesên ji “Doza KCK'ê” ya Silopyayê dihatin darizandin 99 sal cezayê zindanê birî.&nbsp;

	&nbsp;

	Li navçeya Silopiya ya Şirnexê di sala 2011'an de li dijî siyasetmenderan operasyona “KCK'ê” hatibû lidarxistin û ev siyasetmedar ji vê dozê dihatin darizandin. Danişîna biryarê ya dozê li 2'emîn Dadgeha Cezayê Giran a Xarpêtê hat lidarxistin. Hevşaredara navçeya Cizîrê Berîvan Kutlu a ku ji wezîfeyê hat girtin jî di nav de 30 kesên ji dozê tên darizandin beşdarî danişînê nebûn.&nbsp;

	&nbsp;

	Hin parêzer li dadgehê amade bûn, hin parêzer jî bi riya SEGBÎS'ê beşdarî danişînê bûn.&nbsp;

	&nbsp;

	Dozger xwest 30 kes bi îdiaya “endamtiya rêxistinê” werin cezakirin. Dadgehê li siyasetmedaran ji 7 salan û 3 mehan û heta 8 salan cezayê zindanê birî. Ji Hevşaredara Cizîrê Berîvan Kutlu re jî 7 sal û 6 meh cezayê zindanê hat birîn.&nbsp;

	&nbsp;

	Li 12 kesan bi giştî 99 sal cezayê girtîgehê hat birîn. Dadgehê derbarê 18 kesan de jî biryara beraetê da.&nbsp;

	&nbsp;

	&nbsp;