
Parêzer ji bo biçin Îmraliyê serlêdan kirin 

2021-04-08 12:49:02


	&nbsp;

	STENBOL - Parêzerên Rêberê PKK’ê Abdullah Ocalan, ji bo ku biçin hevdîtina muwekîlên xwe cardin serî li Serdozgeriya Komarê ya Bûrsayê dan.&nbsp;

	&nbsp;

	Parêzerên Rêberê PKK’ê Abdullah Ocalan ku li Girtîgeha Îmraliyê ya Ewlehiya Bilind a Tîpa F girtî ye, Rêzan Sarica, Faîk Ozgur Erol, Cengîz Yureklî û Serbay Koklu ji bo ku bi muwekîlên xwe re hevdîtin bikin careke din serî li Serdozgeriya Komarê ya Bûrsayê dan.

	&nbsp;

	Malbat, parêzer û wasiyê Ocalan ji 14’ê adarê ve bi daxwaza "hevdîtina lezgîn" 14 caran serî li Serdozgeriya Komarê ya Bûrsayê û Wezareta Dadê dan û 2 caran jî serî li Komîteya Pêşîlêgirtina Îşkenceyê ya Konseya Ewropayê (CPT) dan.

	&nbsp;

	BERSIV NADIN SERLÊDANAN

	&nbsp;

	Di 23’ê îlonê de bi hinceta “Nexşerê”yê ku di sala 2019’an de weke zêdeka parastina xwe ji Dadgeha Mafê Mirovan a Ewropayê (DMME) re şandiye, ji bo 6 mehan biryara qedexeya parêzeran dabû Ocalan û 3 girtiyên li cem. Li gel ku qedexeya hevdîtinê di 23’yê Adarê de qediyaye jî &nbsp;ji serlêdanên parêzeran re ne erênî ne neyînî bersiv nayê dayîn.

	&nbsp;

	Ji parêzerên Ocalan Rezan Sarica û Newroz Ûysal, piştî 8 salan di 2-22’ê gulan, 12-18’ê Hezîran û 7’ Tebaxa 2019’an de hevdîtin bi muwekîlên xwe re kiribûn.

	&nbsp;

	HEVDÎTIN DI NÎVÎ DE QÛT BÛ

	&nbsp;

	&nbsp;Herî dawî ji ber îdiayên li ser hesabên medya civakî yên derbarê Ocalan de fikarên raya giştî mezin bûbûn û di 25’ê Adarê de birayê Ocalan Mehmet Ocalan pê re bi telefonê axivî bû. Lê Mehmet Ocalan ragihandibû ku hevdîtina telefonê di nivî de hatiye birîn.

	&nbsp;

	Ocalan ku 22 sal in li Girtîgeha Îmraliyê ya Ewlehiya Bilind a Tîpa F di bin tecrîdeke girankirî de girtî ye cara ewil di 27’ê Nîsana 2020’an bi telefonê bi birayê xwe Mehmet Ocalan re axivî bû.

	&nbsp;