
Komeleya Ziman û Çandê Birca Belek rêveberiya xwe ya nû hilbijart

2021-04-11 14:48:27


	&nbsp;

	ŞIRNEX- Komeleya Ziman û Çandê ya Birca Belek yêkemîn Kongreya xwe ya asayî li dar xist û rêveberiya xwe ya nû diyar kir.&nbsp;

	&nbsp;

	Komeleya Ziman û Çandê ya Birca Belek, li navçeya Cizîrê ya Şirnexê, yêkemîn Kongreya xwe ya asayî li dar xist. Ji ber pandemiyê kongre li hewşa komeleyê hat li dar xistin û gelek endamên komeleyê, rêxistinên HDP'ê yên navend û navçeyên Şirnexê û aktîvîstên TJA'yê tevlî bûn. Di kongreyê de pankarta “Zimanê Dayîkê Ruhê Civakê ye" hat daliqandin.&nbsp;

	&nbsp;

	'JI BO BIRÊXISTINKIRINA ZIMAN ZÊDETIR TÊKOŞÎN'

	&nbsp;

	Di kongreya ku bi deqeyek rêzgirtinê dest pê kir de nivîskarê kurd Bahadîn Rubar axivî û bal kişand ser girîngiya ziman û wiha got:" Em dizanin ku ziman fikr û mejiyê civakê ye. Dema ku em dibêjin ziman hiş û zimanê civakê ye bêgûman em dikarin bêjin kesê bêhiş û bêmejî çiqas dikare bijî? Civakek zimanê xwe yê dayîkê jî nejî û neaxive bêgûman ew civak jî gêj e û bêgûman ew civak nikare hebûn û çanda xwe biparêze. Em weke xebatkarên ziman û gelê kurd divê ji bo ziman tebikoşin. Divê bê zanîn ku ne tu netew û ne tu hêz zimanê civakekî û netewekî nikare qedexe bike. Ji bo bi rêxistinkirina ziman divê em zêdetir tebikoşin."

	&nbsp;

	Di encama dengdayîna ku hat kirin de ji bo hevserokatiya komeleyê Nuran Kaplan û Mîrza Kurt hatin hilbijartin.&nbsp;

	&nbsp;

	Piştî axaftinan kongre bi gotina klaman û bi girtina govendê bi dawî bû.&nbsp;

	&nbsp;

	&nbsp;