
Koma 22’yemîn greva birçîbûnê ya li Yewnanîstanê dewr girt  

2021-04-19 13:59:24


	&nbsp;

	STENBOL - Greva birçîbûnê ya li Kampa Lavrio ya Yewnanîstanê ji bo rakirina tecrîda li ser Rêberê PKK’ê Abdullah Ocalan hatiye destpêkirin, koma 22’yemîn dewr girt.&nbsp;

	&nbsp;

	Girtiyên siyasî yên ji doza PKK û PAJK'ê girtî ne, di 27’ê Mijdara 2020'an de, bi armanca bidawîkirina tecrîda li ser Rêberê PKK’ê Abdullah Ocalan ku 22 sal in li Girtîgeha Îmraliyê ya Tîpa F a Ewlehiya Bilind girtî ye û binpêkirinên mafên mirovan ên li girtîgehan zêde bûne, dest bi çalakiya greva birçîbûnê ya bêdawî û bidorveger kirin di roja 144’emîn de berdewam dike. Jinên ku heman çalakiya greva birçîbûnê li Kampa Lavrio ya Yewnanîstanê dane destpêkirin jî di roja 106’emîn de didome û koma 22’yemîn dewr girt.&nbsp;

	&nbsp;

	Çalakiya li Kampê bi pêşengiya Tevgera Ciwanên Şoreşger, Tevgera Jinên Kurdistan a Ewropa û Navenda Çanda Kurdistanê tê birêvebirin.&nbsp;

	&nbsp;

	Di çalakiyê de têkoşin hat destnîşankirin û heta tecrîd ji ser Ocalan were rakirin wê greva birçîbûnê berdewam bike.&nbsp;

	&nbsp;