
DÎSK, KESK, TMMOB û TTB: Em ê di 1’ê Gulanê de li qadan bin  

2021-04-21 13:42:51


	&nbsp;

	STENBOL - DÎSK, KESK, TMMOB û TTB’ê diyar kirin ku ew ê 1’ê Gulanê di 30’ê nîsanê de li ber kargehên xwe û li meydanan pîroz bikin û her kesî vexwendin pîrozbahiyên 1’ê Gulanê.&nbsp;

	&nbsp;

	Konfedarasyona Sendîkayên Karkerên Şoreşger (DÎSK), Konfederasyona Sendîkayên Karkerên Cemaweriyê (KESK), Yekîtiya Odeyên Endezyar û Avahîsaz a Tirk (TMMOB) û Yekîtiya Tabîbên Tirk (TTB), li avahiya Odeya Avahîsazan a Şaxa Stenbolê civîna çapemeniyê li dar xist û bernameya pîrozkirin û bîranîna 1’ê Gulanê eşkere kirin. Seroka Giştî ya DÎSK’ê Arzû Çerkezoglû, Hevserokê Giştî yê KESK’ê Mehmet Bozgeyîk, Seroka Konseya Navenda TTB’ê Şebnem Korûr Fîncanci û endamê Desteya Rêveberiya TMMOB’ê Tores Dînçoz beşdarî civînê bûn.&nbsp;

	&nbsp;

	Daxuyaniya hevpar Seroka DÎSK’ê Arzû Çerkezoglû xwend.&nbsp;

	&nbsp;

	Çerkezoglû bi bîr xist ji ber rewşa pandemiyê sala par 1’ê Gulanê bi girseyî pîroz nekirine û kedkaran daxwazên xwe yên kar û ewlehiya civakî di pandemiyê de jî anîne ziman.&nbsp;

	&nbsp;

	BÊKARÎ ZÊDE DIBE&nbsp;

	&nbsp;

	Çerkezoglû da zanîn ku ev pergal kedxwariyê dike û şeran li pêş dixe û krîza aborî kûr dike. Çerkezoglû banga mezinkirina têkoşînê kir. Çerkezoglû destnîşan kir ku ew ê dest ji mafên xwe yên jiyanê bernedin û her ku diçe di kar û xebatan de bêmîsogerî zêde dibe û karker û kedkar nikarin debara xwe bikin û ew dixwazin dawî li bêkariyê were.&nbsp;

	&nbsp;

	NEWEKHEVIYA ZAYENDÎ&nbsp;

	&nbsp;

	Çerkezoglû anî ziman ku di pêvajoya pandemiyê de li rex newekheviyên çînan, newekheviya civakî jî kûr dibe û bi vê newekheviyê re tundiya li ser jinan jî zêde bûye. Çerkezoglû da zanîn ku li şûna jin div ê pêvajoyê de werin bihêzkirin lê belê destkeftiyên jinan ên wek Peymana Stenbolê dibin armanca îqtiîdarê.&nbsp;

	&nbsp;

	DIXWAZIN QEDEXE BIKIN&nbsp;

	&nbsp;

	Çerkezoglû destnîşan kir ku rêveberên welat dixwazin deng, daxwaz, hêvî û têkoşîna karker û kedkaran bi qedexeyan bêdeng bike. Çerkezoglû da zanîn ku ew ê di çarçoveya tevdîrên pandemiyê de û rewşa mesafeyê li ber çavan bigirin cejna xwe pîroz bikin. Çerkezoglû anî ziman ku îqtidar dixwaze her cûre çalakî û şahiyên wan ên di navbera 30’ê nîsanê û 1’ê Gulanê qedee bike.&nbsp;

	&nbsp;

	ÎQTIDAR NIKARE AQIL BIDE SENDÎKAYAN&nbsp;

	&nbsp;

	Çerkezoglû anî ziman ku yên li vî welatî herî dawî aqil bidin rêxistinên karker, kedkar, endezyar, avahîsaz û hekîman îqtidara siyasî ye û pêdiviya wan ne bi aqil û zanista qedexekirî heye û ew ê li gorî zanist û têkoşîna xwe tevger bikin. Çerkezoglû destnîşan kir ku ew ê ji bo jiyanek bi tenduristî, bi mîsogerî û mirovane dê “Her roj bêjin 1’ê Gulanê” û wê her 1’ê Gulanê mezin bikin û qûrbaniyên 1’ê Gulanê bibîr bînin.&nbsp;

	&nbsp;

	‘LI HER DEVERÊ EM Ê 1’Ê GULANÊ PÎROZ BIKIN’

	&nbsp;

	Çerkezoglû bang li rayedarên welat kir û got: “Dûrî aqilan, li derveyî zanistê û dijî hiqûqê nekevin nava hewldana astengiyan. Kes nikare 1’ê Gulanê asteng bike. Dema karker û kedkar dixebitin vîrûs nayê tespîtkirin, lê dema 1’ê Gulanê were pîrozkirin vîrûsê tespît dikin. Em ê li her deverê û li ber her kargehê 1’ê Gulanê pîroz bikin.”&nbsp;

	&nbsp;

	WÊ DENGÊ XWE BILIND BIKIN&nbsp;

	&nbsp;

	Seroka TTB’ê Şebnem Korûr Fîncanci jî destnîşan kir ku îqtidar di her kêliyê de dixwaze krîzan ji xwe re veguherîne fersendan û lê ew ê li gel hemû astengî û şertên pandemiyê de jî dê dengê xwe bilind bikin.&nbsp;

	&nbsp;

	DÊ DAXWAZÊN XWE BÎNIN ZIMAN&nbsp;

	&nbsp;

	Hevserokê KESK’ê Mehmet Bozgeyîk jî anî ziman ku karker û kedkar wê li gorî şertên pandemiyê roja 1’ê Gulanê li her devera Tirkiyê daxwazên xwe bînin ziman.&nbsp;

	&nbsp;

	TEVÎ ASTENGIYAN JÎ&nbsp;

	&nbsp;

	Rêveberê TMMOB’ê Tores Dînçoz jî got tevî hewldana astengiyan jî wê di qûrbaniyên 1’ê Gulanê bibîr bînin û pîrozbahiyên xwe li dar bixin.&nbsp;

	&nbsp;