
Li Qamişloyê agirbesta demkî careke din hat ragihandin

2021-04-23 20:25:54


	NAVENDA NÛÇEYAN - Di encama civîna di navbera hêzên Rûsya û fermandarên QSD'ê de, biryara agirbesta demkî di navbera Hêzên Ewlekariya Hundirîn û çeteyên Dîfaa El-Wetenî de hat ragihandin.&nbsp;

	&nbsp;

	Mîlîsên Difa El Wetenî yên rejîma Şamê ku destûr ji bo wan hatibû dayîn ku li Qamişlo bimînin, di 20’ê Nîsanê de, êrişî nuqteya kontrolê ya Hêzên Hewlekariya Hûndirîn a Bakur û Rojhilatê Sûriyeyê kiribûn. Di encama êrişê de şer derket û 4 rojan dewam kir.

	&nbsp;

	Li Qamişlo, piştî şerê 4 rojan dewam kir, bi navbeynkariya hêzên Rusyayê, agirbesta demkî di navbera mîlîsên Difa El Wetenî ya girêdayî rejîma Şamê û Hêzên Ewlekariya Hûndirîn a Bakur û Rojhilatê Sûriyeyê de hat îlankirin.

	&nbsp;

	Agirbest wê îşev ji saet 18:00'an heta sibe saet 10:00'an dewam bike.

	&nbsp;

	Li ser vê yekê fermandariya Hêzên Ewlekariya Hundirîn bang li hemû endamên xwe yên di çeperan de kir ku girêdayî vê biryara agirbestê tevbigerin.

	&nbsp;

	&nbsp;