
CÎSST’ê rapora girtîgehê ya meha nîsanê aşkera kir 

2021-05-04 16:42:33


	&nbsp;

	STENBOL - CÎSST’ê di rapora xwe ya binpêkirinên mafan a meha nîsanê de diyar kir ku li dijî girtîgehan bergirî baş nayên girtin û girtî di xwe gihandina tenduristiyê de pirsgirêkên cidî dijîn.&nbsp;

	&nbsp;

	Komeleya Civaka Sivîl a di Pergala Înfaza Ceza de (CÎSST), rapora binpêkirinên mafan a meha nîsanê bi daxuyaniyeke nivîskî weşand. CÎSST'ê di raporê de cih da binpêkirinên mafan ên 134 serlêdanên ku ji girtîgehên cuda hatin kirin.

	&nbsp;

	PAQIJÎ Û XWARIN

	&nbsp;

	CÎSST’ê diyar kir ku li girtîgehan pirsgirêka kapasîteyê heye û têkildarî pirsgirêkên paqijiyê jî gelek serlêdan hatine kirin. CÎSST’ê da zanîn ku li girtîgehan kirariyên dezenfektekirinê gelek kêm tên kirin û wiha got: “Amûrên paqijiyê yên pêwîst nadin girtiyan. Li hin girtîgehan ji ber paceyên qawişan biçûk in zêde nayên hewadarkirin. Ji ber ku 3 rojan ser hev ceyran hatin birîn xwarinên girtiyan xera dibin. Dîsa li hin girtîgehan hin gardiyan derveyî rêgezên mesafeya civakî lêgerînan dikin. Di van lêgerînan de rûpoşan jî nadin girtîyan û dest deynin ser tiştên wan. Xwarinên ku tên dayîn jî ne paqij in. Tiştên ku ji kantînê tên girtin jî hem bê qalîte ne hem jî cureyên wan kêm in.”

	&nbsp;

	XWE GIHANDINA TENDURISTIYÊ

	&nbsp;

	CÎSST’ê destnîşan kir ku di mijara xwe gihandina tenduristiyê de pirsgirêkên cidî li girtîgehan hene û pirsgirêkan wiha rêz kirin:&nbsp;

	&nbsp;

	“*Hat diyarkirin ku ji bo girtiyên di koma rîskê de yên pîr û nexweş bergirî nehatine wergirtin, amûrên paqijiyê nehatiye belavkirin û girtî bi xwe bergiriyên xwe digirin,

	&nbsp;

	* Li hin girtîgehan an bijîşk qet nayê revîrê an jî bi awayekî birêkûpêk nayê revîrê, girtî têkildarî daxwazên xwe ji Miduriyeta Tenduristiya Bajêr û Wezareta Dadê re daxwazname dinivîsin lê bersivê nagirin,&nbsp;

	&nbsp;

	* Hin girtiyan demekî dirêje bijîşkê revîrê neditiye, an tenduristvan li rewşa wan dinêrin, bêyî ku derxînin revîrê dermanan didin û weke ku girtî derxistibin revîrê qeyd dikin,

	&nbsp;

	* Hin girtî derkevin revîrê jî nikarin xwe bigihînin hemû dermanan, nikarin dermanên xwe yên bi rapor bigirin û tahlîl nayên kirin,&nbsp;

	&nbsp;

	* Hin girtiyan fikirîne ku nîşaneyên Kovîd-19’ê bi wan re hene, ji ber vê yekê xwestine ku testa wan bê kirin lê daxwaza wan ya testê ne hatiye pêşwazîkirin,

	&nbsp;

	* Sewqnekirina girtiyên newxweş ên kronîk a dem dirêj a nexweşxaneyan dibe sedemê zêdebûna pirsgirêkên tenduristiyê.”

	&nbsp;

	HEVDÎTIN Û TELEFON

	&nbsp;

	CÎSST’ê, anî ziman ku ji ber piştî çûyîna nexweşxaneyan girtiyan 14 rojan dikin karantînayê de naxwazin biçin nexweşxaneyê û pirsgirêkên din wiha rêz kirin:&nbsp;

	&nbsp;

	“* Hat ragihandin ku hin girtiyên nexweşên giran ên mecbûrin biçin nexweşxaneyê piştî ku ji nexweşxaneyê dizivirin di karantînayê de tên girtin û girtiyên nikarin tena serê xwe pêwistiyên xwe pêşwazî bikin,

	&nbsp;

	* Ligel bergiriyên nû hevdîtina telefonê şûna mafê seredanê li hin girtîgehan &nbsp;hefteyê carekê li hin girtîgehan hefteyê du car bi komî 20 deqîqeyan tê kirin, li hin girtîgehan jî bi 10 deqîqeyan tê bi sînorkirin,&nbsp;

	&nbsp;

	* Li hin girtîgehan şûna saetekê 35-40 deqîqeyan hevdîtina girtî tê kirin, ev rewş jî malbatên girtiyan ên ji bajarên dûr diçin hevdîtinê aciz dike,&nbsp;

	&nbsp;

	* Hevdîtinên girtî herî zêde bi du kesan re tê kirin, ligel daxwaza girtiyan jî ev hejmar nehatiye zêdekirin,&nbsp;

	&nbsp;

	* Girtî dixwazin bi malbatên xwe re hevdîtina vekirî bikin ligel ku ev daxwaz kirine jî hevdîtina vekirî pêk nehatiye,&nbsp;

	&nbsp;

	* Ji ber hin malbatên girtiyan ji bajarên girtîgehên ku xizmên wan tê de ne dûr in, nikarin biçin hevdîtinê.”

	&nbsp;