
DTO’yê bang kir ku Balûken were berdan 

2021-05-05 11:59:43


	&nbsp;

	AMED - Odeya Bijîşkan a Amedê, diyar kir ku parlementerê HDP’ê yê berê yê Amedê Îdrîs Balûken, hezar û 534 rojin bi awayekî bêhiqûqî girtiye û bang kir ku Balûken were berdan.

	&nbsp;

	Odeya Bijîşkan a Amedê (DTO), li ser hesabê xwe yê Twîtterê bang kir ku Parlementerê HDP’ê yê serdema beriya niha yê Amedê Îdrîs Balûken were berdan.

	&nbsp;

	DTO’yê di parvekirina xwe de, diyar kir ku Balûken hezar û 534 rojin bi awayekî bêhiqûqî girtiye û wiha got: “Em şahidê herî nêzîk ên têkoşîna mafê tenduristiyê yê civakî, aştî, demokrasi û mafê mirovan ê aktivîstê xwe Dr. Îdrîs Balûken in. 1534 roj in bi awayekî bê hiqûqî girtiye. Ji bo herkesê edalet, #JiÎdrîsBalûkenReAzadî!”

	&nbsp;

	16 SAL 8 MEH CEZAYÊ HEFSÊ

	&nbsp;

	Balûken ê ku di serdema 24’emîn de parlementeriya Çewlikê, di serdema 25’emîn de jî parlementeriya Amedê kir û di pêvajoya çareseriyê de ligel Sirri Sureyya Onder û Pervîn Bûldanê di Şandeya Îmraliyê de cih digirt, ligel Hevserokên Giştî yên HDP’ê yên berê ji 4’ê Mijdara 2016’an û vir ve girtî ye. Balûken ê di danişîna ewil a çileya 2017’an de hat berdan, li ser îtîraza dozgeriyê piştî du roj din careke din hat girtin. Di encama darizandinê de 8’emîn Dadgeha Cezayê Giran a Amedê di 4’ê çileya 2018’an de bi îdiaya “endamtiya rêxistinê” , 4 caran bi îdiaya “propagandaya rêxistinê” û 4 caran jî bi îdiaya “muxalefeta qanûna meş û xwepêşandanan” 16 sal û 8 meh cezayê girtîhê da Balûken. Dosyaya cezayê hefsê ya ji Balûken re hat dayîn ji bo temyîzê, vegûhestin Dadgeha Bilind.&nbsp;

	&nbsp;