
Komîsyona Jinan a KNK’ê banga rawestandina şer li NATO’yê kir

2021-05-08 10:02:36


	NAVENDA NÛÇEYAN – Komîsyona Jinan a KNK’ê ji bo rawestandina operasyonên ku Artêşa Tirk li dijî başûrê Kurdistanê daye destpêkirin ji Sekreterê Giştî yê NATO’yê Jens Stoltenberg re nameyeke vekirî şand û ev bang lê kir: “Em bang dikin ku NATO’yê li prensîbên xwe xwedî derkeve û Tirkiyeyê rawestîne.”

	&nbsp;

	Komîsyona Jinan a Kongreya Neteweyî ya Kurdistanê (KNK), derbarê operasyonên Artêşa Tirk ên li dijî başûrê Kurdistanê de ji Sekreterê Giştî yê NATO’yê Jens Stoltenberg re nameyeke vekirî şand û li dijî operasyonan kampanya îmzeyan da destpêkirin. Komîsyonê, bang li Stoltenberg kir ku li prensîbên NATO’yê xwedî derkeve û operasyonan rawestîne.&nbsp;

	&nbsp;

	Komîsyonê, di nameya xwe de ev tişt nivîsandin:&nbsp;

	“Di salvegera qirkirina ermeniyan de Tirkiyeyê peyama qirkirinê daye kurdan. Weke hûn jî dizanin Tirkiye 70 sal e endamê NATO’yê ye. Yek ji rêxistinên herî mezin ên navneteweyî NATO ye. Hêza çareserkirina pirsgirêkan a NATO’yê heye. Her wiha berpirsyariya NATO’yê ya avakirin û parastina aştiyê heye. &nbsp;Lewre NATO dema ku xwe penase dike dibêje ku nirxên demokratîk teşvîq dike. Di prensîbên xwe de diyar dike ku aloziyan bi rêbazên aştiyane çareser dike. Lê NATO 70 sal e li dijî hewldanên dagirkeriyê yên Tirkiyeyê bêdeng e. Tirkiye tenê dagir nake, her wiha li cihên ku dagir dike qirkirina jinan jî pêk tîne.&nbsp;

	&nbsp;

	BIDIN RAWESTANDIN

	&nbsp;

	Desthilata AKP’ê hem li Tirkiyeyê hem jî li derveyî sinorên xwe qirkirina jinan teşvîq dike û pêk tîne. Di serî de li Efrîn, Grê Spî û Serê Kaniyê rêbazen tacîz, tecawiz, talankirin, revandin û qetilkirinê bi kart îne û qirkirina jinan pêk tîne. Neteweyên Yekbûyî, di rapora xwe ya sala 2020’an de van polîtîkayên Dewleta Tirk ên qirkirina jinan weke hêwilnak nirandibû. Polîtîkayên Dewleta Tirk ên dagirkirin û berbelavbûnê li dijî prensîbên NATO’yê ne û Dewleta Tirk bi awayekî aşkera van prensîban bin pê dike. Di vê wateyê de em jinên kurd bang li NATO’yê dikin ku li van prensîbên xwe xwedî derkeve û Tirkiyeyê rawestîne.&nbsp;

	&nbsp;

	Wê ev kampanya îmzeyan di 7’ê gulana 2021’an de li ji aliyê Komîsyona Jinan a KNK’ê ve dest pê kiriye. Wê heta hefteyan ji îmzeyan re vekirîbe. Piştre bi îmzeyan re wê ji Sekreterê Giştî yê NATO’yê re bê ragihandin.”

	&nbsp;

	Jinên bixwazin xwe bigihînin kampanyayê dikarin vê lînkê bitikînin.&nbsp;

	&nbsp;

	&nbsp;

	&nbsp;