
Şaredariya AKP'ê ji bo qeyûmê berê rêyek taybet di goristanê re vekir

2021-05-08 10:21:13


	ŞIRNEX - Şaredar'ê AKP'ê yê Elkê Habîp Aşan di goristana li taxa Alî Çavûş de, ji bo qeyûmê berê rêyek taybet vekir û bi vî awayî goristan kir du parçe.&nbsp;

	&nbsp;

	&nbsp;

	Şaredariya navçeya Elkê ya Şirnexê berî sala 2016'an de di bin rêveberiya Partiya Aştî û&nbsp;Demokrasiyê&nbsp;(DBP) de bû. Di sala 2016'an de Abdulkerîm Ûlaş ê di Miduriyeta Îdarî ya Taybet a Navçeyê de dixebitî û weke nêzî Qeymeqamê Navçeyê Kadîr Guntepe dihat naskirin, weke qeyûm tayînî şaredariyê hatibû kirin. Şaredariya AKP'ê ya Elkê, di nava Goristana Come ya li Taxa Alî Çavûş a navçeyê de ji bo qeyûmê berê Abdulkerîm Ûlaş rêyek taybet vekir û goristana kevnar kir du parçe.&nbsp;

	&nbsp;

	Welatiyan, diyar kirin ku ji ber kevinbûna goristanê êdî miriyên xwe lê nevedişartin û gotin, rêya di goristanê de çêkirin, tenê ji bo qeyûmê berê Abdulkerîm Ûlaş hatiye çêkirin. Welatiyan, îdîa kirin ku di bin rêya ku hatiye çêkirin de, gorên mirovan hene.

	&nbsp;

	Li gorî wêneyên hatin bidestxistin jî, rêya di goristanê de hatiye çêkirin, heya ber mala Ûlaş diçe û li gel van hemûyan jî şaredariya AKP'ê ev rêya taybet ji bo qeyûmê berê Ûlaş çêkiriye. Hat destnîşan kirin ku xebatên çêkirina rê di nava 2 mehan de hatine qedandin.

	&nbsp;