
Îşkenceya polîs û nobedaran

2021-05-14 11:38:49


	ÊLIH - Li Êlihê, polîs û nobedaran, zarokê 15 salî bi erdê re dirêj kirin û îşkence lê kirin.&nbsp;

	&nbsp;

	Li Parka Salih Ozdemîr a Taxa Cûdî ya Êlihê, duh bi şev, polîs û nobedaran bi hinceta qedexeya derketina kolanan a di çarçoveya bergirtiyên şewba vîrûsa koronayê hat îlankirin de, zarokekê 15 salî bi erdê re dirêj kirin, tundî û îşkence lê kirin. Tundiya polîs û nobedaran, ji aliyê welatiyan ve bi telefonê hat qeydkirin.&nbsp;

	&nbsp;

	DÎMENÊN TUNDIYÊ

	&nbsp;

	Di dîmen de, xuya dike ku zarokekê 15 salî yê navê wî nehat zanîn, ji aliyê polîs û nobedaran ve bi erdê re tê dirêjkirin, kes ser zarok rûdine, polîsê sîvîl ê gomlekê wî spî zarok dide ber peyin û kulman. &nbsp;

	&nbsp;

	GULE BERDAN ESMAN

	&nbsp;

	Welatiyên derdorê bertek nîşanî îşkenceya polîs û nobedaran dan. Polîs û nobedaran li ser vê yekê heqaret li welatiyan kirin û gule berdan esmanan.

	&nbsp;

	Hat diyarkirin ku polîsan zarokê ku îşkence lê kirin, dûre birin Miduriyeta Polîsan a Êlihê.

	&nbsp;