
Danişîna duyemîn a Doza Kobanê di roja duyemîn de berdewam dike 

2021-05-20 12:10:20


	&nbsp;

	ENQERE - Danişîna duyemîn a Doza Kobanê berdewam dike. Danişînê bi parastina Parlamentera HDP’ê ya berê Ayla Akat dest pê kir.

	&nbsp;

	Danişîna duyemîn a Doza Kobanê ku rêveberên HDP’ê jî di nav de 28 jê girtî 108 siyasetmedarên ji siyaseta kurd tên darizandin di roja duyemîn de berdewam dike. Danişîn li 22’yemîn Dadgeha Cezayê Giran a Enqereyê ku li Kampûsa Girtîgeha Sîncayê ye tê lidarxistin.&nbsp;

	&nbsp;

	Pipsorên Delegasyona Tirkiyê ya Yekîtiya Ewropayê (YE) û nûnerên dîplomatîk ên welatên Yekîtiya Ewropayê dozê dişopînin.&nbsp;

	&nbsp;

	ŞANDEYEK QELEBALIX DANIŞÎNÊ DIŞOPÎNE&nbsp;

	&nbsp;

	Di danişînê de bi sedan parêzer ji bo siyasetmedaran biparêzin di danişînê de amade bûn. Hevserokê Giştî yê HDP’ê Mîthat Sancar, Hevserokê Kongreya Civaka Demokratîk (KCD) Berdan Ozturk, Hevserokên Giştî yên DBP’ê Salîha Aydenîz û Keskîn Bayindir, gelek parlamenter û rêveberên HDP’ê û rêxistinên jinan li danişînê dişopînin.&nbsp;

	&nbsp;

	‘LÊGERÎNA BOMBEYÊ’&nbsp;

	&nbsp;

	Beriya danişînê di ketina eywana danişînê de bi hêceta “lêgerîna bombeye” li hundir heye, parêzer û rojnamevan li ber derî hatin sekinandin. Piştî nîqaşa parêzer û polîsan hêj destûra ketina hundir hat dayîn.&nbsp;

	&nbsp;

	DEMÎRTAŞ BEŞDAR NEBÛ&nbsp;

	&nbsp;

	Hevserokê Giştî yê HDP’ê yê berê Selahattîn Demîrtaş ji ber ku wê xwe ji danişînên xwe yên werin re amade bike beşdarî danişînê nebû. Hevseroka Giştî ya HDP’ê ya berê FîgenYuksekdag, endamê Şandeya Îmraliyê Sirri Sureyya Onder, Hevşaredara Amedê ya berê Gultan Kişanak, Zeynep Olbecî bi rêya deng û dîmen (SEGBÎS) beşdarî danişînê bûn.&nbsp;

	&nbsp;

	HIN SIYASETMEDAR LI EYWANÊ NE&nbsp;

	&nbsp;

	Hevseroka DBP’ê ya berê Sebahat &nbsp;Tuncel, Parlamentera HDP’ê ya berê Ayla Akat Ata, rêveberên HDP’ê yên berê Emîne Beyza Ustun, Pervîn Oduncu, Ayşe Bagci, Sîbel Akdenîz, Bîrcan Yorulmaz, Berfîn Ozgu Kose li eywana danişînê amade ne.&nbsp;

	&nbsp;

	DANIŞÎNÊ BI PARASTINA AYLA AKAT DEST PÊ KIR&nbsp;

	&nbsp;

	Danişînê bi parastina Ayla Akat Ata dest pê kir. Ata destnîşan kir ku ji ber polîtîkayên pişaftinê ew bi zimanê dayika xwe kirmanckî (zazakî) perwerdehiyê nedîtiye û ji ber vê ku nikare bi zimanê xwe parastina xwe bike lêborîna xwe ji her ferdekî gelê kurd dixwaze.&nbsp;

	&nbsp;

	&nbsp;