Li Amedê 9 kes hatin girtin  

2021-05-26 19:06:57


	 

	 

	AMED - Li Amedê ji 14 kesên hatibûn binçavkirin 5 jê kes hatin berdan û 9 kes hatin girtin. 

	 

	Bi fermana Serdozgeriya Komarê, li ser îfadeyên şahidê nepen di 24'ê Gulanê de li Amed, Edene, Mêrsîn, Antalya, Dersîm, Stenbol û Êlihê polîsan bi ser gelek malan de girtibûn. Polîsan di serdegirtina malan de endam û rêvberên HDP, DBP û ESP'ê jî di nav de 30 kes binçav kiribûn. 14 kesên li Midûriyeta Polîsan a Amedê îfadeya wan bi dawî bû sewqî dozgeriyê kirin. Dozgeriyê piştî îfadeyê Hevserokê HDP'ê yê  Amedê Îrfan Soner, Hevserokê HDP'ê yê Navçeya Yenişehirê Kasim Kaya, Rêveberê HDP'ê yê Rezanê Kemal Baran, Rêvebera HDP'ê ya Peyasê Newroz Reşîtoglu, Rêvebera HDP'e ya Farqînê Medeni Yanliş, Endamê Meclîsa Şaredariya Yenişehirê Yusuf Sekmen, Endamê Meclîsa Rezan  Husnu Aslan, Rêveberê HDP'ê yê Amedê yê berê Alî Îhsan Karahan, Rêveberê HDP'ê Abdullah Arkan, Rêveberê HDP'ê yê Peyasê Şahin Eroglu, Rêveberê DBP'ê Şahin Tanriverdî, Rêveberê TUAY-DER'ê Mehmet Ozel, Mamosyeyê bi KHK'ê hat îxrackirin Firat Akdeniz û Engîn Ihlamur, bi daxwaza girtinê sewqî Hekîmê Cezayê Sulhê kirin. 

	 

	DADGEHÊ 9 KES GIRTIN

	 

	Piştî heyeta dadgehê îfadeyên 14 kesan girtin, heyetê Husnu Aslan, Kasim Kaya, Mehmet Ozel, Medeni Yanliş, Şahin Eroglu bi şertê kontrola edlî serbest berdan. Heyetê der barê Abdullah Arkan, Yusuf Sekmen, Alî Îhsan Karahan, Kemal Baran, Şahin Tanriverdî, Îrfan Soner, Firat Akdenîz, Newroz Reşîtoglu, Engîn Ihlamur bi hinceta “Endamtiya rêxistinê" biryara girtinê da û 9 kes şandin girtîgehê. 

	 

	14 kes jî li Midûriyeta polîsan tên rawestandin. Hevserokê HDP'ê yê Amedê yê berê Cabbar Leygara û Kadri Atli jî piştî îfade dan serbest hatin berdan.