
Penaberê kurd Serbest Derîn di Girtîgeha Metrîsê de ye    

2021-06-05 00:06:32


	&nbsp;

	MÊRDÎN - Hat diyarkirin ku penaberê kurd Serbest Derîn di Girtîgeha Metrîsê de ye. Derîn li Romanyayê bû û ji 30'yê Gulanê ve salix jê nedihat girtin.&nbsp;

	&nbsp;

	Serbest Derîn, di 30'yê Gulanê de tevî nêzî 30 penaberên siyasî yên kurd xwestibû ji Awistirayê biçe Romanyeyê. Lê belê li Romanyayê bi zorê li balafirê hatibû siwarkirin û hatibû xwestin radestî Tirkiyeyê bê kirin. Piştî wê tu salix jê nehatibûn girtin. Derket holê ku Derîn radestî Tirkiyeyê hatiye kirin û niha di Girtîgeha Metrîs a Jimare 1 a Tîpa L'yê de ye.&nbsp;

	&nbsp;

	Parêzerê wî Huseyîn Bogatekîn, li ser hesabê xwe yê medyaya sanal got: "Em pê hesiyan ku muwekîlê min Serbest Derîn, di Girtîgeha Metrîs a Jimare 1 a Tîpa T'yê de ye. Gava hevdîtinê pê re bikim û teyît bikim, paşê ez ê derbarê rewşê de raya giştî agahdar bikim."&nbsp;