
10 partî û rêxistin li dijî Tirkiyeyê meşiyan    

2021-06-05 17:55:06


	&nbsp;

	SILÊMANÎ - Li bajarê Silêmaniyê endam û rêveberên 10 partiyên siyasî û rêxistinên civakî, dijî operasyona Tirkiye ya li dervê sînor, meşek girseyî li dar xistin.&nbsp;

	&nbsp;

	Li Başûrê Kurdistanê partî û rêxistinên ji Hîzbî Şuî (Komunîst), Hîzbî Zehmetkêşanî Kurdistan, Yekîtiya Komunîstan, Tevgera Azadî, Gruba Heng, Rêxistina Sewz a Kurdistanê, Rêxistina Suriştî ya Kurdistan, Asoyê Nû, Sekoy Dijî Dagirkerî, Desteya Destpêşxerî Bo Konferansî Niştimanî û kesayet, rojnamevan û çalakvanan pêk tê, li dijî operasyona Tirkiyeyê ya li ser herêma Metîna, Zap û Avaşînê meşiyan. Partî û rêxistinên civakî di bin Sîwana Navenda Navenda Karê Niştimanî de kom bûn û meşiyan. Navenda Navenda Karê Niştimanî li dijî dagirkeriyê meşek girseyî organize kir. Meşê li Şeqamî Salim (Saholeke) destpê kir.

	&nbsp;

	Hevserokê Tevgera Azadî Mehemed Ebdullah, rêveber û endamên partî û rêxistinan, çalakvan û rojnamevan tev li meşê bûn. Girsê dirûşmeyên “Bijî berxwedana gerîla”, “Bo derewa, bo derewe spas Turkiya bo derewa”, “Bimre xiyanet” berz kirin. Meşê heta Parka Azadî berdewam kir. Girse niha tdaxuyaniyê dide çapemeniyê.&nbsp;

	&nbsp;