
Şandeya YE’yê rêxistina HDP’ê ya Îzmîrê lêkolîn kir

2021-06-21 14:48:47


	ÎZMÎR &nbsp;- Şandeyek ji Yekitiya Ewropa (YE) pêk tê rêxistina HDP’ê ya Îzmîrê ku Denîz Poyraz lê hatibû qetilkirin, ziyaret û lêkolîn kir.

	Bertekên li dijî êrişa ser avahiya Rêxistina Partiya Demokratîk a Gelan (HDP) ya Îzmîrê û qetilkirina xebatkara partiyê Denîz Poyraz dewam dike. Şandeyek ji Yekitiya Ewropa (YE) pêk tê, Rêxistinê HDP’ê ya Îzmîrê ziyaret kir. Serokê Delegasyona Yekitiya Ewropa ya Tirkiyeyê Sefîrê mezin Nîkolasus Meyer-Landrut û Şêwirmenda Çapemeniyê ya YE’yê &nbsp;Mîray Akdag, Serokê Yekîneya Delegasyona YE’yê Alexander Frîcke û Rêvebera Projeya Delegasyona YE’yê Mîray Westling di şandeyê de cih girtin. Şande ji aliyê parlamenter Mûrat Çepnî, Hevserokên &nbsp;HDP’ê yên &nbsp;Îzmîrê Besriye Tekgur û Kadîr Badûr, endamên Meclîsa Dayikên Aştiyê ve hat pêşwazîkirin.&nbsp;

	&nbsp;

	Şandeyê ewil cihê ku Poyraz lê hatibû qetilkirin ziyaret kir.&nbsp;

	&nbsp;

	SERSAXÎ XWEST

	&nbsp;

	Serokê Delegasyona Yekitiya Ewropa (YE) ya Tirkiyeyê Sefîrê mezin Nîkolasus Meyer-Landrut piştî ku li deftera bîranînê ya Poyraz nişe nivîsand, sersaxî ji malbatê û HDP’ê re xwest. Şandeyê dûre li avahiya partiyê lêkolînên xwe dewam kirin û derbarê mijarê de agahî girt.&nbsp;

	&nbsp;

	‘ÊRIŞ LI DIJÎ GELÊN TIRKIYÊ YE’

	&nbsp;

	Serokê Delegasyona NE’yê Tirkiyeyê Sefîrê mezin Nîkolasus Meyer-Landrut, piştî lêkolînê daxuyanî da û wiha got: “Ji bo ku em êrişa li dijî HDP’ê şermezar bikin, em li vê derê ne. Em rêzên xwe pêşkêşî Poyraz û malbata wê dikin. Ez di heman demê de dilsoziya xwe pêşkêşî rêveberên HDP’ê yên herêmî dikim.”&nbsp;

	&nbsp;

	Piştî daxuyaniyê, civîn li çapemeniyê girtî dewam kir. Civîn nêzî nîv saetî dewam kir. Landrût, piştî civînê qerefîl danî cihê Poyraz lê hatibû kuştin. Deqeyek rêzgirtin kir. &nbsp;Şande dûre ji Rêxistina HDP’ê ya Îzmîrê veqetiya.

	&nbsp;