
Hevşaredara Dêrikê Esmez hat berdan

2021-06-25 13:11:36


	MÊRDÎN - Hevşaredara Dêrikê Mulkiye Esmez a piştî qeyûm tayînî cihê wê hat kirin, hatibû girtin, serbest hat berdan.

	&nbsp;

	Wezareta Karên Hûndir, di 16’ê Mijdara 2019’an de qeyûm tayînî Şaredara Navçeya Dêrik a Mêdînê ya dibin rêveberiya HDP’ê de kiribû û hevşaredar Mulkiye Esmez, girtibû. Doza darizandina Esmez li 8’emîn danişîna Esmez hat dîtin. Esmez ji girtîgehê bi SEGBÎS’ê beşdarî danişînê bû û parêzerên wê jî di danişînê de amade bûn.&nbsp;

	&nbsp;

	Danişîn piştî tespîta nasnameyê dest pê kir. Di danişînê de, dozger xwest girtina Esmez dewam bike. Esmez dûre mafê axaftinê girt û wiha got: “Êdî ez tiştekê nabêjim” û bertek nîşan da. Parêzerê Esmez Dîldar &nbsp;Ektîren jî, da zanîn ku hinceta girtina Esmez ji holê rabûne, xwest Esmez ji ber pêvajoya girtina dirêj bê berdan. &nbsp;Şandeya dadgehê pêvajoya girtina Esmez li ber çavan girt û bi şertê kontrola edlî serbest berda.&nbsp;

	&nbsp;

	Dadgehê piştî biryara berdana Esmez, danişîn taloqî 12’yê Mijdarê kir.

	&nbsp;