ROJEVA 11'Ê TÎRMEHA 2021'AN

2021-07-11 09:00:08


	 

	* Gundiyan anî ziman ku ji ber çêkirina kana keviran a li Îkîzdereyê, ava paqij bi dest wan nakeve û ji ber vê hilberîna hinguv û çay kêm bûye. 

	 

	* Agirê ku li Dara Hênê bi daristanê ket, qadeke 35 kîlometrekareyî kir arî. Parlementerê HDP'ê yê Çewligê Erdal Aydemîr, destnîşan kir ku agirê li Marmarîsê di 4 saetan de, lê yê li Dara Hênê di 5 rojan de hat tefandin.

	 

	* Sekreterê Giştî yê Konseya Navendî ya TTB'ê Prof. Dr. Vedat Bûlût, anî ziman ku herî kêm divê 70 milyon kes du doz aşî li xwe bixin û got: "Dibe ku di payizê de pîkek nû rû bide." 

	 

	* Malbatên girtiyên Girtîgeha Antalyayê ya Tîpa S'yê bertek nîşanî îşkenceya gardiyanan dan ku li zarokên wan kirin. Malbatan got: "Yên ku dibêjin em însan in bila li hemberî vê îşkence û zilmê bêdeng nemînin." 

	 

	* Cotkarên li Dêrikê ku trafoyên ceryana wan hatibûn rakirin diyar kirin ku DEDAŞ’ê dest daniye ser desteka ji bo sewal, mazot, gubreyê û fatûreyên ceryana wan di nirxê eraziyên wan de ne. 

	 

	* Çalakiya nobeta "edaletê" ya Malbata Şenyaşar wê di roja 125'emîn de berdewam bike.