
Li Girtîgeha Antalya ya Tîpa S îşkence heye lê rapor nîne!  

2021-07-12 10:58:04


	&nbsp;

	ANTALYA - Şandeya ÎHD’ê derbarê serdana girtiyên li Girtîgeha Antalya ya Tîpa S bi îşkenceyê re rûbirû mabûn rapor belav kir û di raporê de hat gotin lêgerîna tazî û îşkence li girtiyan hatiye kirin û doktoran rapor nedaye girtiyan.&nbsp;

	&nbsp;

	Ji Girtîgeha Antalya ya Tîpa L 20 girtî di 8’ê tîrmehê de bi darê zorê sewqî Girtîgeha Antalya ya Tîpa S ku nû hatiye çêkirin kirin. Li girtiyan lêgerîna tazî hat ferzkirin. Girtiyan vê yekê red kir. Gardiyanan girtiyan ji paş ve kelemçe kirin û îşkence li wan kirin. Malbatên girtiyan îşkenceya li zarokên wan hatine kirin ragihandin û serî li Komeleya Mafê Mirovan (ÎHD) ya a Şaxa Antalyayê dan. Şandeyek ji ÎHD’ê çû serdana girtiyan û bi wan re hevdîtin pêk anî.&nbsp;

	&nbsp;

	ÎHD’ê di encama hevdîtina li gel girtiyan raporek amade kir û bi raya giştî re belav kir.&nbsp;

	&nbsp;

	LI HEVDÎTINÊ HATIYE GUHDARKIRIN&nbsp;

	&nbsp;

	Di raporê de hat gotin 3 parêzer li ser muracata malbatan di 9’ê tîrmehê de çûne girtîgehê &nbsp;û bi girtî Mehmet Şeran, Ezhet Dalkiliç û Hasan Yakut re hevdîtin pêk anîne. Di raporê de hat diyarkirin ku hevdîtin li odeyên hevdîtinê yên girtî bi rêya telefonê pêk anîne û ev hevdîtin ji aliyê girtîgehê ve hatiye guhdarkirin û ev yek jî li dijî hiqûq hat nirxandin.&nbsp;

	&nbsp;

	XWESTINE RÛMETA GIRTIYAN BIŞKÎNIN&nbsp;

	&nbsp;

	Di raporê de hat destnîşan kirin ku girtiyan lêgerîna tazî red kiriye û li ser vê yekê girtiyan dirûşma “Wê rûmeta mirovan îşkenceyê têk bibe” berz kirine û gardiyanan êrişî wan kirine, li erdê dirêj kirine û destên wan ji paş ve kelemçe kirine û di odeyên yek kesî de îşkence li wan hatiye kirin. Di raporê de hat gotin navê girtiyên bi îşkenceyê re rûbirû mane wiha ne: Selîm Kegî, Îslam Erdogan, Feyaz Tahsuk, Mehmet Şeran, Zuhat Erdogan, Seyîthan Aşkan.&nbsp;

	&nbsp;

	Di rapora ÎHD’ê de hat destnîşan kirin ku bêyî ku tu gumanek şênber nebe, girtî bi muameleya rûmet şikandinê re, lêgerîna tazî, îşkenceyê re rûbirû mane û qedexeya muameleya şikandina rûmetê hatiye binpêkirin. ÎHD’ê di raporê de diyar kir ku tevî îşkence li girtiyan hatiye kirin jî lê doktorên girtîgehê raporên lêdanê nedane girtiyan û hewl hatiye dayîn ku ser îşkenceyê were girtin. ÎHD’ê di berdewamiya raporê de cih da hevdîtina li gel girtiyan û da zanîn ku ew ê ji nêz ve meseleyê bişopînin.&nbsp;

	&nbsp;

	&nbsp;