
TGC’ê tundiya polisan şermezar kir

2021-07-21 15:12:04


	&nbsp;

	STENBOL - TGC'ê tundiya polisan a li dijî rojnamegeran a ku di bernameyên bîranîna Komkujiya Pirsûsê de pêk hatibû şermezar kir.&nbsp;

	&nbsp;

	Li navçeya Kadikoyê ya Stenbolê, duh ji aliyê Înîsiyatîfa Malbatên Pirsûsê ve ji bo qurbaniyên Komkujiya Pirsûsê bernameyeke bîranînê hatibû lidarxistin. Polisan mudaxaleyî vê bernameyê kiribû û tundiyê li kesên ku tevlî bernameyê bûbûn û rojnamegeran kiribûn. Her wiha polisan 62 kesan jî binçav kiribûn. Piştre ji van 62 kesan 50 jê hatin berdan û 12 kes jî sewqî edliyeyê hatine kirin. Lijneya Rêveberiya Cemiyeta Rojnamegeran a Tirkiyeyê (TGC), vê tundiya li dijî rojnamegeran bi daxuyaniyeke nivîskî şermezar kir.&nbsp;

	&nbsp;

	TGC'ê, destnîşan kir ku polisan di mudaxaleyê de êriş biriye ser 8 rojnamegeran û ew birîndar kirine û ev daxwaz kir: "Rojnamegerî ne sûc e. Li şûna astengkirinê divê polis ewlehiya rojnamegeran bigirin. Azadiya çapameniyê temîneta mafê agahî girtinê û hînkirina rastiyan a herkesê xwedî nêrînên cuda ye. Em polisên ku tundiyê li rojnamegeran kirine û sûc kirine şermezar dikin û daxwaz dikin ku di demeke herî kurt de bên cezakirin."

	&nbsp;

	&nbsp;