Rêxistinên civakî yên sivîl ên Amedê: Dev ji polîtîkayên dijkurdbûnê berdin     

2021-07-31 17:43:05


	 

	 

	AMED – Rêxistinên civakî yên sivîl ên Amedê qetilkirina 7 ferdên malbata Dedeogûllari şermezar kirin û bang kirin ku dev ji polîtîkayên dijkurdbûnê bên berdan û bertek nîşanî qetilkirina kurdan bide. 

	 

	Rêxistinên civakî yên sivîl ên Amedê qetilkirina 7 ferdên malbata kurd Dedeogûllari ku li Konyayê hatin qetilkirin, şermezar kirin. Nûnerên rêxistinên sivîl yên li Amedê li Parka Koşûyolû li hev civiyan û bi daxuyaniyekê êrîşa nijadperest şermezar kirin. Di daxuyaniyê de gelek serok û nûnerên rêxistinên civakî yên sivîl amade bûn û nûnerên partiyên siyasî jî piştgirî dan daxuyaniyê û dirûşme berz kirin û dowîza li ser “Ez kurd im” nivîsandî hilgirtin. 

	 

	Daxuyaniya kurmancî Hevseroka Odeya Endezyarên Ceryanê (EMO) a Şaxa Amedê Sorgul Aytek Avşar xwend û daxuyniya tirkî jî Serokê Komeleya Mafê Mirovan (ÎHD) a Şaxa Amedê Abdullah Zeytûn xwend. 

	 

	Daxuyaniya bi sernavê “Em êrişan şermezar dikin” ku ji aliyê Sorgûl Aytek Avşar ve hat xwendin wiha ye:

	 

	“Di êrîşa li dijî malbata Dedeogulları, ku li Navçeya Meram a Bajarê Konyayê dimîne, di 12’ê Gulana 2021’an de ku du kes bi giranî giştî 7 kes birîndar bûn. Di lêpirsîna ku li ser vê êrîşê hat kirin de 6 gumanbarên ku êrîş kirin hatin girtin. Ji gumanbarên girtî çar kes di dîrokên cuda de hatin berdan. Piştî êrîşê di 12.05.2021’an de her çend fermana parastinê ji bo malbata Kurd ku bûbû qurbana êrîşê hatibe girtin jî, mixabin di êrîşa ku di 30.07.2021’an de bi heman mebestan hat kirin de 7 kes hatin qatilkirin. 

	 

	Me wek Rêxistinên Sivîl ên Civakî bal kişandin ser êrîşên dawî yên bi hinceta nasnameya Kurd û bikaranîna zimanê Kurdî. Gelek caran bi raya giştî re hate parvekirin ku ew ji polîtîkayên civakî, aborî û siyasî yên bi salan ne serbixwe ne ku ev êrîşên bûne sedema polarbûna civakî, tenê wekî bûyerên veqetandî û dadwerî nayên dîtin, ziman û polîtîkayên şîdetê ji ber lawaziya peywirdarên dadrêsê di tedbîrên li dijî êrîşan de û nebûna çalakiya dadrêsî ya bibandor bû.

	 

	Di her fersendê de tê gotin ku zimanê polarîzekirî yê ku li welat û jiyana siyasî serdest e, nemaze di van salên dawî de bandor li çêbûna van êrişên nijadperestî kiriye û ev zimanê cihêkar ê ku tê bikaranîn dê rê li ber bûyerên nerastbar ên civakê veke.

	 

	HER ÇI QAS ME BÛYERAN REXEN KIR EM HEDEF HATIN NÎŞANDAN

	 

	Mixabin digel van hemî hişyariyan ev bûyerên giran, ku bi domdarî hatin jiyîn hewl hate dayîn ku wekî dozên dadrêsî yên kesane hem ji hêla rayedarên sivîl û hem jî ji hêla dadrêsî ve werin dîtin/nîşan kirin û hemî daxuyaniyên fermî di vî warî de hatine kirin. Van daxwazên rêxistinên sivîl ên civakî ku nîşankirina êrişên nijadperestî wekî dozên dadrêsî rexne dikin di derbarê bûyerên girantir ên ku diqewimin de fikarên xwe parve dikin tevdîr û tedbîrên ku divê bêne girtin tînin bîra wan û di lêpirsîneke bibandor de israr dikin, her dem hatine paşguh kirin û heman demên de Rêxistinên Sivîl hatin hedef girtin. 

	 

	Me careke din dît ku gotinên nefretê yên ku bi bûyera dawîn li Tirkiyeyê belav bûne nekarîna karmendên dadrêsê ku tedbîrên ewlehiyê yên pêwîst bigirin piştî bûyerên weha û nebûna tevdîrên dadrêsî yên bibandor van komkujiyan vedixwîne.

	 

	Em weke saziyên jêr îmzê van hene beriya her tiştî, em ji malbata xwe ya di vê komkujiya nîjadperest de jiyana xwe ji dest da rehmetê dixwazin û ji xizmên wan û gelê me re sersaxiyê dixwazin.

	 

	MAFÊ KURDAN BINPÊ DIKIN

	 

	Em van êrîşên nîjadperest ku dibin sedema binpêkirinên mafên mirovan ên giran li dijî Kurdan, bi taybetî mafê jiyanê şermezar dikin. Em her kesî vedixwînîn ku dev ji polîtîka û gotûbêjên ku aştiya civakî û çanda jiyana bi hev re ku rê li ber her cure êrîşên nîjadperestî yên ji nasnameya kurdî û bikaranîna zimanê Kurdî vedike berde û bertekeke hevpar nîşan bide. Ji bo pêşîgirtina li êrîşên nijadperest ên wiha em daxwaz dikin ku lêpirsînên îdarî û dadwerî li dijî wezîfedarên cemawerî werin destpêkirin.

	 

	SAZIYÊN BEŞDAR

	 

	Saziyên ku metnê îmze kirin û beşdarî daxuyaniyê bûn wiha ne: “Baroya Amedê, Odeya Bazirganî û Pîşesaziyê ya Amedê (DTSO), Borsya Bazirganiyê ya Amedê (DTB), Komeleya Mafê Mirovan (ÎHD) a Şaxa Amedê, Kordînasyona Bajêr a TMMOB’ê ya Amedê, Nûnertiya Înîsiyatîfa Maf a Amedê, Odeya Tabîban a Amedê, Komeleya Mirovên Kar û Pîşesaziyê ya Amedê (DÎSÎAD), Komeleya Jinên Kar a Rojilat û Başûrêrojhilat (DOGUNKAD), Komeleya Mirovên Hewldaner a Kar û Pîşesaziyê ya Rojhilata Navîn (OSGÎAD), Odeya Muşavîrên Malî û Muhasebekarên Serbest a Amedê (DSMMMO), Komeleya Mirovên Tekstîl, Pîşesazî û Kar a Başûrêrojhilat (GUNTÎAD), Meclîsa Jinan a Amedê, Desteya Hewldanerên Jin a TOBB, Platforma Şaxan a KESK’a Amedê, Nûnertiya DÎSK’ê ya Herêmê, Nûnertiya Weqfa Mafê Mirovan a Tirkiyê (TÎHÎV) a Amedê, Komeleya Hiqûqnasên Ji Bo Azadiyê a Şaxa Amedê, Odeya Dermansazên Amedêi Odeya Hekîmên Diranan a Amedê, Odeya Beytaran a Amedê, Komeleya Pisporên Xizmeta Civakî, Komeleya Jinan a Rosa, Komeleya Hêviyan a Rengareng.”