
Parêzera Demîr a sîxurtî lê hat ferzkirin: Rêbazên çetewarî ne 

2021-08-05 16:37:24


	&nbsp;

	STENBOL - Parêzera lîstikvana şanoyê Ayşenûr Demîr a polîsan bi darê zorê wê desteser kiribûn û sîxurtî lê ferz kiribûn, Gulhan Kaya ev tişt got: “Polîs bi pêkanînên rêbazên çetewarî hewl didin çavên kesên mûxalîf bitirsînin.”

	&nbsp;

	Weqfa Lêkolînên Huner Çand Estetîk Perwerde û Zanistê (BEKSAV) têkildarî ferzkirina sîxuriyê ya li endama wan Ayşenûr Demîr a ji aliyê polîsan ve li Şaxa ÎHD'ê ya Stenbolê civîna çapemeniyê li dar xist. Lîstikvana şanoyê Ayşenûr Demîr û Hevserokên BEKSAV’ê Canan Kaplan û Ahmet Ûçar beşdarî civînê bûn. Di civînê de ewilî Ayşenûr Demîr axivî.

	&nbsp;

	Demîr, diyar kir ku di 2’yê tebaxê de polîsan ew tacîz kiriye û serpêhatiya xwe wiha vegot: “Saet dorê 14.00’an nêzîkî Qereqola Hasanpaşayê li pêş sîmîtfiroşekê ji aliyê 3 polîsan ve hatim sekinandin. Dema min nasnameya xwe nîşanî wan de dosyayeke stûr nîşanî min dan. Polîsan xwest bi min re biaxivin û ez hinek agahiyan bidim wan. Axaftineke ku navên hevserokên BEKSAV’ê jî tê de derbas dibû krin û agahî ji min xwestin.”

	&nbsp;

	GEFA BINÇAVKIRINÊ

	&nbsp;

	Demîr, da zanîn ku dema axaftinê de polîsan gefa binçavkirinê li wê kirin û wiha axivî: “Polîsan got ‘heke tu agahiyan nedî, em ê saet 3’yê şeve bi ser mala te de bigirin û te bigirin’.” Demîr, bi lêv kir ku polîs derbarê jiyana wê ya taybet de jî xwedî agahî bûn û diyar kir ku polîsan hewl daye ku BEKSAV’ê derveyî qanûnan nîşan bidin.

	&nbsp;

	ZEXTA LI SER BEKSAV’Ê

	&nbsp;

	Pişt re Hevseroka BEKSAV’ê Canan Kaplan axivî. Kaplan, diyar kir ku polîsan xwestiye saziya wan derveyî qanûnan nîşan bidin û wiha got: “Şûna ku me terorîze bikin bila ewlehiya canên welatiyên xwe pêk bînin.”

	&nbsp;

	RÊBAZÊN DERVEYÎ QANÛNÊ

	&nbsp;

	Parêzer Gulhan Kaya jî diyar kir ku di demên dawî de rêbazên lêdan û derveyî qanûna agahî komkirin zêde bûne û wiha got: “Di demên dawî de bi girtin û binçavkirinan li ser mûxalîfan polîtîkayên mehandinê tên şopandin. Bi pêkanîna rêbazên çetewarî hewl didin çavên kesên mûxalîf bitirsînin. Ayşenûr jî mînakeke vê ye.”

	&nbsp;

	Kaya, bi lêv kir ku tacîza polîsan ne tenê êrîşeke ser muwekîla wê ye, êrişeke ser BEKSAV’ê jî ye û wiha axivî: “Ji sûc xwe nedane paş a polîsan mînaka polîtîkayên bê cezatiyê ye. Em li vir di kesayeta Ayşenûr de îxbar dikin, di van dosyayan de biryara ne şopandinê tê dayîn û derveyî darizandinê dihêlin lê wê rojekê teqez hesaba vê bidin, em jî dê bibin şopdarên vê bûyerê.”

	&nbsp;

	Kaya, da zanîn ku serlêdana ÎHD’ê jî kirin û anî ziman ku wê giliyê polîsan jî bikin.

	&nbsp;