
ÎHD: Girtiyê nexweşê giran Polat bila bê berdan

2021-08-07 16:23:27


	&nbsp;

	ÎZMÎR - Komîsyona Windayan a Şaxa ÎHD’ê ya Îzmîrê, xwest ku girtiyê nexweşê giran Ekîm Polat ê 24 salî ku li Girtîgeha Tîpa T a Denîzliyê dimîne were berdan.

	&nbsp;

	Komîsyona Windayan a Şaxa Komeleya Mafên Mirovan (ÎHD) ya Îzmîrê ji bo balê bikişînin ser rewşa girtiyê nexweşê giran Ekîm Polat (24) ê li Girtîgeha Tîpa T a Denîzliyê dimîne, li pêş Sumerbanka Kevin a Konakê daxuyanî da. Daxuyaniya ku endam û rêveberên ÎHD’ê beşdar bûn pankartên “Girtiyên nexweş ên giran dimirin bêdeng nebe” û “Bêdeng nebe, nebe hevkarê sûc dimirin” hatin hilgirtin. Di daxuyaniyê de rêveberê ÎHD’ê Muhammed Guneş axivî.&nbsp;

	&nbsp;

	Guneş, diyar kir ku mafên tenduristiyê yê Polat ji aliyê rêveberiya girtîgehê ve tê astengkirin û wiha got: “Nexweşiya KOAH, a dil, penceşêr û rîska derbaskirina felcê heye. Dema bi rê ve diçe lingê wî yê rastê di tevize û lingê xwe yê çepê jî bi erdî re kaş dike û bi rê ve diçe. Wekî din ligel pêwistiya wî ya tedawiya hîpofîz hormonê heye jî tedawiya wî nayê kirin.&nbsp;

	&nbsp;

	Guneş, bang li rayedaran kir ku li gorî hiqûqa navxweyî û navneteweyî berpirsyartiya xwe bi cih bînin û xwest demildest Polat were berdan.

	&nbsp;

	&nbsp;