
Polisan daxuyaniya ji bo Aslan ku cenazeyê wî bi kargoyê hatibû şandin asteng kir

2021-08-10 14:41:47


	&nbsp;

	AMED - Daxuyaniya ku hat xwestin ji bo Mahsûm Aslan ê HPG'î ku cenazeyê wî bi kargoyê hatibû şandin bihata dayîn ji aliyê polisan ve hat astengkirin. Endamên MEBYA-DER'ê vê rewşê bi çalakiya rûniştinê şermezar kirin. &nbsp; &nbsp;

	&nbsp;

	Mahsûm Aslan ê HPG'î ku di sala 2018'an de li Dersimê di encama êrişeke hewayî ya Artêşa Tirk de jiyana xwe ji dest dabû cenazeyê wî ji aliyê Serdozgeriya Komarê ya Erzînganê ve ji Miduriyeta Polisan a Erxenê re bi kargoyê hatibû şandin. Daxuyaniya ku MEBYA-DER'ê xwest ji bo vê rewşê li Amedê bide ji aliyê polisan ve hat astengkirin. Rêveberên DBP û HDP'ê yên Amedê, rêveberên MED TÛHAD-FED û TÛAY-DER'ê û aktîvîstên TJA'yê jî tevlî daxuyaniya ku hat xwestin li ber biryardariya Mafê Mirovan a li Parqa Koşûyolûyê bê dayîn bûn.

	&nbsp;

	Polisan derdora girseya ku li ber biryardariyê kom bû girt û dorpeç kir û got ku wê destûr nedin daxuyaniyê. Li ser vê komê astgengiya polisan bi çalakiya rûniştinê şermezar kir.&nbsp;

	&nbsp;

	Di peyamên ku dema rûniştinê hatin dayîn de hat diyarkirin ku şandina cenazeyê Aslan a bi kargoye nayê qebûlkirin.&nbsp;

	&nbsp;

	Piştî demekê çalakî bi dawî bû girse ji hev belav bû.&nbsp;

	&nbsp;

	&nbsp;

	&nbsp;