
Kemanjen Serdar Şîmşek jiyana xwe ji dest da  

2021-08-27 12:10:31


	AMED - Kemanjen Serdar Şîmşek ku di encama derbaskirina krîza dil de jiyana xwe ji dest da.&nbsp;

	Muzîkjen ango mamosteyê kemanê (kemanjen) Serdar Şîmşek duh êvarê krîza dil derbas kir û ew rakirin nexweşxaneyê. Şîmşek ê li nexweşxaneyek taybet li navçeya Rezana Amedê dihat dermankirin, tevî hemû mudaxileyên tibî jî vê sibehê jiyana xwe ji dest da.&nbsp;

	&nbsp;

	Cenazeyê Şîmşek rakirin cihê şûştina cenaze ya Goristana Yenîkoya Amedê. Hat zanîn ku wê cenazeyê Şîmşek ji vir bibin li navçeya Farqînê veşêrin.&nbsp;

	&nbsp;

	ŞAGIRTÊ KONSERVATUARA ARAM TÎGRAN BÛ&nbsp;

	&nbsp;

	Serdar Şîmşek ji Farqînê ye û nêzî 10 sal in bi muzîkê re eleqedar dibe. Şîmşek ji Konservatuara Aram Tîgran a ku ji aliyê qeyûm ve hat girtin dersa kemanê girt û ji vir mezûn bûye. Şîmşek li gel mamostetiya kemanê li gelek konser û şahiyan jî derketiye ser dikê û ji hunermendan re kemanjeniyê kiriye.&nbsp;

	&nbsp;

	&nbsp;