
Dadgehê hêceta cezayê 9 sal û 9 mehan ‘rojnameya xwedêgiravî’ nîşan da  

2021-08-27 15:17:52


	EDENE - Dadgeha ku 9 sal û 9 meh ceza li rojnamevan Îbrahîm Karakaş birî di biryara hêcetê de ji rojnameya Ozgur Gundemê re got “rojnameya xwedêgiravî.”&nbsp;

	&nbsp;

	Xebatkarê rojnameya Yenî Yaşamê di 6’ê mijdara 2020’an de li Edeneyê hat girtin. Dadgehê bi hêceta xebatên rojnamevaniyê û hin îfadeyên şahid bi îdiaya “endamtiya rêxistinê” 9 sal û 9 meh cezayê hefsê li Karakaş birîbû. Biryara hêcetê ya dadgehê ya derbarê Karakaş ku li Girtîgeha Kurkçulera Edeneyê ya Tîpa F de tê ragirtin eşkere kir. Di biryara hêcetê de xebatên rojnamevaniyê û beyanên bersûcê îtîrafkar wek sûc nirxand û dadgehê di biryara xwe de ji rojnameya Ozgur Gundemê re jî got “rojnameya xwedêgiravî.”&nbsp;

	&nbsp;

	&nbsp;

	'ROJNAMEVANIYÊ DIKIN SÛC’&nbsp;

	&nbsp;

	Parêzerê Karakaş, Turgay Bek biryara hêcetê nirxand û da zanîn ku xebatên rojnamevaniya miwekîlê wî Karakaş hemû wek delîliya “endamtiya rêxistinê” hatiye nîşandan. Bek biryarê wek “xeternak” şîrove kir û dadgeh rojnameyek bi salan weşanê dike wek rojname nabîne û xebatên wî rojnamevaniyê wek sûc dihesibîne.&nbsp;

	&nbsp;

	Bek diyar kir ku wî biryarê veguhezandiye Dadgeha Îstînafê û îtîraz kiriye.&nbsp;

	&nbsp;

	&nbsp;