
Konserên Amîdayê ya 6’emîn diyarî Aram Tîgran û 1’ê Îlonê tê kirin  

2021-08-30 12:35:23


	&nbsp;

	AMED - Konserên Amîdayê ya 6’emîn bi beşdariya gelek hunermendan hat amadekirin. Di konserê de stranên kurdî, tirkî û ermenkî hene û ev konser diyarî bîranîna hunermend Aram Tîgran û 1’ê Îlonê Roja Aştiyê ya Cîhanê tê kirin. &nbsp;

	&nbsp;

	Konserên Amîdayê ku ji aliyê Odeya Bazirganî û Pîşesaziyê ya Amedê (DTSO) û Ma Muzîkê ve li cihên dîrokî tên lidarxistin, berdewam dikin. Konserên Amîdayê ya 6’emîn li pirên dîrokî hatin amadekirin. Dîmenên konserê li Pira Geliyê Godernê ya di navbera Pasûr û Farqînê de, Pira Malabadê ya di navbera Farqîn û Êlihê de û li Pira Dehderî hatine kişandin.&nbsp;

	&nbsp;

	KONSER LI SÊ PIRÊN DÎROKÎ HAT AMADEKIRIN&nbsp;

	&nbsp;

	Di konserê de Anadolu Quartet li gel stranbêjên Ma Muzîkê, Miraz li gel Koma Ma Muzîkê, hunermenda Navenda Çanda Mezopotamyayê (NÇM) Ruken Yilmaz û stranbêj Egît Işik li gel Koma Ma Muzîkê wê li pêşberî temaşevan û guhdaran bin.&nbsp;

	&nbsp;

	Li Pira Dehderî Miraz û Anadolu Quartet li gel Koma Ma Muzîkê, li Geliyê Godernê Anadolu Quartet û Stranbêjên Ma Muzîkê û li Pira Malabadê Ruken Yilmaz û Egît Işik li Koma Ma Muzîkê dê bistrên. Konser roja 1’ê Îlonê wê saet di 20.00’an de li ser hesabên medya dîjîtal ên DTSO’yê were parvekirin.&nbsp;

	&nbsp;

	DIYARÎ ARAM TÎGRAN Û 1’Ê ÎLONÊ TÊ KIRIN&nbsp;

	&nbsp;

	Ev konser diyarî bîranîna hunermendê mezin Aram Tîgran ku di tebaxa 2009’an de koça dawî kiribû û 1’ê Îlonê Roja Aştiyê ya Cîhantê tê kirin.&nbsp;

	&nbsp;

	Di konserê de stranên bi zaravayên kurmancî, zazakî û soranî yên kurdî, tirkî û ermenkî di nav de 16 stran û awaz hene.&nbsp;

	&nbsp;

	5 KONSERÊN DIN&nbsp;

	&nbsp;

	Heta niha 5 konserên derbas bûyî li Şikeftên Hesûnê yên Farqînê, li Keleha Zerzevanê, li navçeya Gêlê, li Sûrê û li Şikeftên Hîlara Erxeniyê bi beşdariya hunermendên wek Mîkaîl Aslan, Lawje, Kardeş Turkuler, Ertan Tekîn li gel hunermend û Koma Ma Muzîkê hatibûn lidarxistin.&nbsp;

	&nbsp;