
Li Dersimê darên kevnar şewitîn  

2021-09-02 12:44:33


	DERSIM/ÇEWLIG - Li Dersimê û Çewligê di şewatên daristanan de qadên berfireh şewitîn û dar û ber bûn xwelî.&nbsp;

	&nbsp;

	Li navçeya Xozta Dersimê di 17’ê tebaxê de piştî operasyona leşkerî agir bi daristanê ket. Piştî Xozatê şewatên daristanan li geliyên Mûnzûr û Pilemûriye û gundê Tûremeşk bi ser navenda Dersimê ve jî derketin. Şewatên li Xozat, geliyê Mûnzûrê û Tûremeşkê hatin kontrolkirin. Şewatali Newala Roj a li Pilemûriyê 6 roj didome.&nbsp;

	&nbsp;

	PIŞTÎ 13 ROJAN MUDAXILE HAT KIRIN&nbsp;

	&nbsp;

	Şewata li gundên Xozatê 15 rojan dewam kir, piştî 13 rojan mudaxileyî şewatê hat kirin. Niştecihên herêmê, nûnerên rêxistinên sivîl û parlamenterên dixwestin biçin herêmê mudaxileyî şewatê bikin jî bi hêceta “herêma ewlehiya taybet” dihatin astengkirin. Şewat piştî 15 rojan hat vemirandin.&nbsp;

	&nbsp;

	Şewata li Newala Roj ku dikeve Geliyê Pilemûriyê jî ji 28’ê tebaxê ve berdewam dike. Her çiqas niştecihên herêmê mudaxileyî şewatê tê kirin jî lê nayê vemirandin. Ji ber şert û mercên dijwar ên xwezaya li wir mudaxileya welatiyan kêm dimîne. Bi hezaran dar û berên li vê herêma şewitîn û hêj dişewitin.&nbsp;

	&nbsp;

	DARÊN KEVNARE ŞEWITÎN&nbsp;

	&nbsp;

	Di 29’ê tebaxê de jî li Kaniya Firtina Velî ya li Geliyê Mûnzûrê şewat derket. Piştî du rojan şewat hat kontrolkirin û bi sedan dar û berên kevnare yên berûyan şewitîn û li pey daran xweliya wan ma.

	&nbsp;&nbsp;

	XORXOL&nbsp;

	&nbsp;

	Li navçeya Xorxola Çewligê jî di 29’ê tebaxê de agir bi daristanêk ket û şewata li vir hat vemirandin. Li gorî agahiyên ku niştecihên herêmê dan di encama mudaxileya xelkê herêmê û helîkoptêran de vê sibehê hatiye vemirandin. Çavkaniyên herêmê dan zanîn ku bi sedan hektar qada bi dar şewitiye û bûye xwelî.&nbsp;

	&nbsp;