
Doza Rojbîn Çetîn hat taloqkirin  

2021-09-14 14:51:10


	WAN - Aktîvîsta TJA’yê Rojbîn Çetîn a bi îşkenceyan kuçikan re rûbirû mabû derket pêşberî dadger û dewama girtina wê hat dayîn.&nbsp;

	Aktîvîsta Tevgera Jinên Azad (TJA) Rojbîn Çetîn di 7’ê tîrmehê de li Amedê hatibû girtin. Wextê ku polîsan ew binçav kiribû, bi kuçikan îşkence lê kiribûn. Çetîn a girtî bi îdiaya “endama rêxistinê ye” tê darizandin di danişîna 5’emîn de jî li 2’yemîn Dadgeha Cezayê Giran a Wanê derket pêşberî dadger. Parêzer, malbat û gelek kes beşdarî danişînê bûn. Çetîn ji Girtîgeha Amedê ya Jinan a Tîpa E bi rêya Pergala Deng û Dîmen (SEGBÎS) beşdarî danişînê bû û parastina xwe bi kurmancî kir.&nbsp;

	&nbsp;

	‘MIN XEBATÊN LEGAL KIRIYE’&nbsp;

	&nbsp;

	Çetîn di parastina xwe de destnîşan kir ku ew ji ber sedemên siyasî girtî ye û ew aktîvîstek jin, siyasetmedar û parêzvana mafê mirovan e û xebatên wê bi rê ve biriye hemû legal in û xwest were beraetkirin. Parêzera wê Ekîn Yeter jî xwest miwekîla wê were berdan.&nbsp;

	&nbsp;

	Şandeya dadgehê bi hincetên ku “gumana revê heye”, guhdariya şahidan û kêmasiyên di dosyeyê de werin temamkirin dewama girtina Çetîn da û danişînek din taloqî 30’yê mijdarê kir.&nbsp;

	&nbsp;