
Nasnameya eskerê dema dixwest teslîm bibe hat kuştin, aşkere bû 

2021-09-16 11:58:21


	&nbsp;

	NAVENDA NÛÇEYAN - Wêneyên nasname û belgeyên esker Sezaî Gungor ê di dema şerê li herêma Zapê de xwest teslîmî HPG’ê bibe ji aliyê hevalên xwe ve hat kuştin, hatin aşkerekirin.&nbsp;

	&nbsp;

	Operasyona Tirkiyeyê ku di 23’yê Nîsanê li herêmên Zap, Metîna û Avaşînê yên Herêma Kurdistana Federe daye destpêkirin didome. Di operasyona ku ji hem hewayî hem jî bejahiyê didome de heta niha gelek esker û cerdevanan jiyana xwe ji dest da. Nûçeyeke ku di Ajansa Nûçeyan a Firatê (ANF) de ci digire careke din pirsa “Windahî tên veşartin?” anî rojevê.&nbsp;

	&nbsp;

	AGAHIYÊN NASNAMEYA ESKERÎ

	&nbsp;

	Li gorî nûçeya ANF’ê, beriya hefteyekê di şerê li herêma Zapê derket de eskerê bi navê Sezaî Gungor ê bi ser nifûsa Wanê qeyd kiriye xwest teslîmî HPG’iyan bibe. Lê ji aliyê hevalên xwe ve hat kuştin. Di nûçeyê de wêneyên nasname, teçhîzata eskerî û hin belgeyên aydê Gungor jî hatin parvekirin.&nbsp;

	&nbsp;

	Li gorî belgeyan Sezaî Gungor 29’ê adara 1993’yan de li navçeya Payîzava ya Wanê ji dayîk bûye. Navê dayîka wî Nurten, navê bavê wî Siddik e û bi hejmara hemwelatiyê ya 15383923150 li Tirkiyê qeyd kiriye. Lê malbata Sezaî Gungor bi salên dirêj e, li navçeya Karasû ya Sakaryayê rûdinin.&nbsp;

	&nbsp;

	Navenda Ragihandina Çapemeniyê ya HPG’ê jî têkildarî bûyerê di 10’ê îlonê de daxuyanî dabû û aşkere kiribû ku Gungor ji aliyê eskerên li herêmê ve hatiye kuştin.&nbsp;

	&nbsp;

	SAZIYÊN FERMÎ &nbsp;BÊDENG IN

	&nbsp;

	Li aliyê din heta niha saziyên berpirsyar têkildarî mijarê tu daxuyanî nedane. Di lîsteya eskerên hatine kuştin a Wezareta Parastinê de derbarê Sezaî Gungor de tu agahî nînin.&nbsp;

	&nbsp;

	BÛYERÊN WEKE HEV

	&nbsp;

	Beriya niha jî bûyerên weke vê hatibûn rojevê. Derketibû holê ku Çawişê Pispor Mehmet Can ê di 9’ê cotmehê de di şerekî li Şirnexê derketibû de hatibû kuştin bu du merasîmên cuda bi awayekî bêdeng hatibû veşartin. Can ê weke “şehîd” nehatibû îlankirin û navê wî bi tu awayî di qeydan de cih negirtibû û çapemeniya Tirkiyê de nehatibû parvekirin pirsa “Windahiyên eskeran tên veşartin?” anîbû rojevê.&nbsp;

	&nbsp;

	Dîsa Çawişê Pispor ê bi navê Okan Arinan ê di 17’ê mijdarê de li navçeya Nisêbîna Mêrdînê hatibû kuştin jî bêdeng hatibû definkirin. Çapemeniya herêmî ji bo Arinan ê li Eskîşehîrê hatibû veşartin ewil “şehîd” pişt re jî gotibû “vefat”.