
Doza Kobanê: Vê dozê dema xwe tije kiriye  

2021-09-23 13:13:58


	&nbsp;

	ENQERE - Endamê MYK’a HDP’ê Alp Altinors di Doza Kobanê de parastina xwe kir û got: “DMME’yê bêsûciya me tomar kiriye. Tevî vê yekê jî hûn me mehkûm dikin. Vê dozê hem di warê hiqûqî û hem jî di warê siyasî de dema xwe tije kiriye.”&nbsp;

	&nbsp;

	Rûniştina 4’emîn a Doza Kobanê ku 20 jê girtî bi giştî 108 kes jê tên darizandin di roja sêyemîn de li 22’emîn Dadgeha Cezayê Giran a Enqereyê ku li Kampûsa Girtîgeha Sîncanê ye berdewam dike.&nbsp;

	&nbsp;

	Ev 108 siyasetmedar ji 29 heb sûcên cuda bi giştî ji wan re 38 caran cezayê girankirî yê heta hetayê û 19 hezar û 680 sal cezayê hefsê ji wan re tê xwestin.&nbsp;

	&nbsp;

	DEMÎRTAŞ BEŞDAR NEBÛ&nbsp;

	&nbsp;

	Siyasetmedarên li Girtîgeha Sîncanê tên ragirtin li ewyana danişînê amade bûn. Selahattîn Demîrtaş ê Hevserokê Giştî yê HDP’ê yê berê beşdarî hêcet nîşan da û beşdarî danişînê nebû. Fîgen Yuksekdag, Gultan Kişanak, Gulser Yildirim ji Girtîgeha Kandirayê bi SEGBÎS’ê, Endamê MYK’a HDP’ê yê berê Zekî Çelîk ji Edremîtê, Berfîn Ozgu Ozkose û Zeynep Olbecî ji Girtîgeha Bakirkoyê, Gulfer Akkaya ji 7’emîn Dadgeha Cezayê Sulhê, Parlamentera HDP’ê ya berê Emîne Beyza Ustun ji Dadgeha Datçayê bi rêya SEGBÎS’ê beşdarî danişînê bûn.

	&nbsp;

	SEROKÊ DADGEHÊ BI KORONAYÊ KETIYE&nbsp;

	&nbsp;

	Hat ragihandin ku testa Kovîd-19’ê ya serokê 22’emîn Dadgeha Cezayê Giran a Enqereyê pozîtîf derketiye û li şûna wî şandeyek demkî hat bicihkirin. Danişînê bi tespîta nasnameyan dest pêk ir. Ewilî parêzeran dest bi parastina miwekîlên xwe kirin.&nbsp;

	&nbsp;

	SIYASETMEDARAN PARASTINA XWE NEKIR&nbsp;

	&nbsp;

	Siyasetmedarên li eywana danişînê amade bûn diyar kirin ku ew naxwazin parastina xwe bikin. Siyasetmedarên bi rêya SEGBÎS’ê jî beşdar bûn jî dan zanîn ku ew naxwazin parastina xwe bikin.&nbsp;

	&nbsp;

	DOZGER XWEST SIYASETMEDAR GIRTÎ WERIN DARIZANDIN&nbsp;

	&nbsp;

	Şandeya dadgehê ya demkî mafê axaftinê da dozger. Dozger ango meqamê îdiayê rewşa heyî ya dosyeyê û gengaziya reva bersûcan esas girt û xwest siyasetmedar girtî werin darizandin.&nbsp;

	&nbsp;

	Parêzer Mavîş Aydin got ji ber doza girtina HDP’ê ku wê hin miwekîlên wan dema parastina wan li ber çavan were girtin û xwest roja danişînê taloqî piştî 7-8’ê mijdarê were kirin.&nbsp;

	&nbsp;

	Parêzer Kenan Maçoglû jî divê hemû şertên girtina miwekîlên wan li ber çavan were girtin û daxwaza berdana wan kir.&nbsp;

	&nbsp;

	‘BILA BIRYARA DMME’YÊ WERE SEPANDIN’&nbsp;

	&nbsp;

	Siyasetmedarên girtî jî derbarê biryara dewama girtina xwe de axivîn. Siyasetmedar Nazmî Gur ewilî axivî û xwest biryara Dadgeha Mafê Mirovan a Ewropayê ji bo Demîrtaş daye ji bo wan jî derbasdar e û divê biryar were sepandin û li ber çavan were girtin.&nbsp;

	&nbsp;

	‘DMME’YÊ BANGÊ WEK SÛC NEDÎT’&nbsp;

	&nbsp;

	Kubîlay Gunay jî destnîşan kir ku DMME’yê di biryara xwe de gotiye ku banga ji bo çalakiyên 6-8’ê Cotmehê ne sûc e û ew dixwazin şandeya dadgehê biryara DMME’yê nas bike. Gunay xwest ku dadgeh dev ji cotstandardiyê berde û ew daxwaz dike ew hemû werin berdan.&nbsp;

	&nbsp;

	‘DMME’YÊ BÊSÛCIYA ME TESCÎL KIR’&nbsp;

	&nbsp;

	Endamê MYK’a HDP’ê yê niha Alp Altinors ku girtî tê darizandin jî bi bîr xist ku salek e ew girtî ye û got: “Ji destêpêkê ve ev dosye dosyeyek mirî ye. DMME’yê di biryara Demîrtaş de pir bi eşkereyî gotiye ku tewîta hatiye parvekirin tundî têde nîne û nabe bibe sedema girtinê û ev yek hatiye tomarkirin. DMME’yê bêsûciya me tomar kiriye. Tevî vê yekê jî hûn me mehkûm dikin. Ev salek e hûn me li vir digirin. Ev girtinek û helwestek polîtîk e.Komîteya Wezîran a Konseya Ewropayê di biryara xwe de raste rast navê dadgeha we anî ziman. Bila biryara DMME’yê were sepandin. Ev doz hem di warê hiqûqî de û hem jî di warê siyasî de jî dema xwe tije kiriye. Ez wek navê xwe bi bawerim ku wê dozên wiha polîtîk bi beraetê encam bibe. Çima ez ê birevim. Hûn bi israr me girtî didin darizandin.”

	&nbsp;

	Danişîn berdewam dike.&nbsp;

	&nbsp;

	&nbsp;