
MSD'ê bi Wezareta Karên Derve ya Amerîkayê re Sûriyeyê axivî

2021-09-30 16:55:05


	&nbsp;

	NAVENDA NÛÇEYAN - MSD'ê, ragihand ku bi Alîkarê Wezîrê Karên Derve yê Amerîkayê Joey Hood û Berpirsê Dosya Sûriyeyê ya Wezareta Karên Derve ya Amerîkayê Ethan Goldrich re çareserkirina qrîza Sûriyeyê axivîne.&nbsp;

	&nbsp;

	Heyeta Meclisa Sûriyeya Demokratîk (MSD), bi Alîkarê Wezîrê Karên Derve yê Amerîkayê Joey Hood û Berpirsê Dosya Sûriyeyê ya Wezareta Karên Derve ya Amerîkayê Ethan Goldrich re hevdîtin kir. MSD'ê, têkildarî vê hevdîtinê de daxuyaniyeke nivîskî da û ragihand ku hevdîtin li avahiya Wezareta Karên Derve ya Amerîkayê pêk hatiye. Hat diyarkirin ku her du alî jî li ser reya çareserkirina qrîz û dosyaya Sûriyeyê nîqaşan kirine.&nbsp;

	&nbsp;

	Hat destnîşankirin ku Joey Hood, ji heyeta MSD'ê û Rêveberiya Xweser a di bin serokatiya Îlham Ahmed re gotiye ku wê hevkariya Hêzên Koalîsyona Navneteweyî ya bi Hêzên Sûriyeya Demokratîk (QSD) re heta bidawîkirina terorê û gihîştina ewlehiyê ya herêmê bidome.&nbsp;

	&nbsp;

	Joey Hood, diyar kiriye ku hêzên Amerîkayê heta bi dawîkirina DAIŞ'ê û çareseriya krîza Sûriyeyê wê li Sûriyeyê bimînin. Di berdewema daxuyaniyê de ev tişt hatin diyarkirin: "Joey Hood, diyar kir ku hêzên Amerîkayê wê heta bi dawîkirina DAIŞ'ê û çareseriya krîza Sûriyeyê li Sûriyeyê bimînin. Li ser qrîza Sûriyeyê çareseriya siyasî û xebatên navneteweyî hatin nîqaşkirin. Joey Hood, got ku pêwistî bi bingeheke guncav heye û ji bo pêşxistina çareserkirina siyasî divê li herêmên pevçûn li wan heye aramî pêk were. Ji bo binesaziya Bakur û Rojhilatê Sûriyeyê bê xurtkirin wê Amerîka piştgiriya aborî bide Rêveberiya Xweser."

	&nbsp;

	Li aliyê din piştî ku di 20'ê îlonê de hat ser peywirê şûn ve Berpirsê Dosya Sûriyeyê ya Wezareta Karên Derve ya Amerîkayê Ethan Goldrich cara yekemîn bi heyet û nûnerên Sûriyeyê re civiya.&nbsp;

	&nbsp;

	Her wiha ragihandin ku Nûnerê Amerîkayê yê Bakur û Rojhilatê Sûriyeyê David Bronstein jî di civînê de amade bûye. &nbsp;

	&nbsp;

	&nbsp;