
Xelkê Şengalê li dijî planan tên kirin li ser piya ne 

2021-10-04 10:21:10


	ŞENGAL - Êzidî li hember planên PDK’ê yên ji bo "Peymana 9’ê Cotmehê" bixin meriyetê, herikîn meclîsên gel û nuqteyên asayîşa Êzîdxanê. Gel di van kêliyan de li hember hewldana derbaskirina hêzên çekdarî li nuqteyên asayîşê kom bûne û li ser piya ne.

	PDK bi hevkariya Iraqê hewl dide di bin navê hilbijartinê de "Peymana 9’ê Cotmehê ya Bexda-Hewlêr" ku sala par îmze kiribû, li ser Şengalê ferz bike. Tevî hemû nerazîbûnên gelê Şengalê jî PDK dixwaze hêzên çekdarî derbasê nava Şengalê bike û baregehên xwe li herêmê veke.

	&nbsp;

	REWŞEK AWARTE HEYE&nbsp;

	&nbsp;

	Li gorî agahiyên Rêveberiya Xweser da, PDK hêzeke zêde li nêzê Şengalê kom kiriye û dixwaze careke din hewl bide bikeve Şengalê. Rêveberiya Xweser û Tevgera Azadiya Jinên Êzidî (TAJÊ) şevê din bi daxuyaniyên lezgîn bang li gel kirin, da ku careke din planên PDK’ê yên ji holê rakirina Rêveberiya Xweser têk bibin.

	&nbsp;

	Gelê Şengalê mîna hewldana 2’yê cotmehê îro jî li ser banga Rêveberiya Xweser û TAJÊ li meclîsên gel û nuqteyên asayîşê kom bûn û derbasî rewşa awarte bûn ango li dijî van hewldanan li ser piya ne.&nbsp;

	&nbsp;

	Di van kêliyan de li gel kombûna li meclîsên gel, hejmareke diyar ya gel li nuqteya asayîşê ya Komelgeha Guhbel û li ser rêya Tirbika ya navbera Sinûnê û Rabîayê de kom bûne û xwe ji bo parastina Şengalê kirine mertal.

	&nbsp;