
Derbarê bîranîna Mîraç Mîroglu de lêpirsîn hat destpêkirin  

2021-10-12 13:58:24


	&nbsp;

	ŞIRNEX - Serdozgeriya Komarê derbarê bîranîna ku ji bo Mîraç Miroglu yê di encama lêqelibandina wesayîteke zirxî de jiyana xwe ji dest dabû, &nbsp;lêpirsîn da destpêkirin.&nbsp;

	&nbsp;

	Di 3'ê îlonê de li taxa Tûrgût Ozal a navçeya Hezexê ya Şirnexê, wesayîteke zirxî li zarokê 7 salî Mîraç Mîroglû qelibî û ew qetil kiribû. Serdozgeriya Komarê ya Hezexê, derbarê bûyerê de lêpirsîn dabû destpêkirin û piştî 3 rojan îfadeyê polîsê kujer girtibû û hatibû berdan. Di lêpirsînê ku hatiye destpêkirin de Mîraç Mîroglu tawanbar hatibû nîşandan û ew "Bi qusir" hatibû dîtin.&nbsp;

	&nbsp;

	Rêxistina HDP'ê ya Navçeya Hezexê di 5’ê îlonê de bi girseyî Mîroglu li cihê ku hatibû qetilkirin bibîr anîbû. Di bîranînê de daxuyanî ji aliyê endama Meclîsa Giştî ya Bajêr a HDP'ê Elfesya Nas ku ji peywîrê hatiye dûrxistin ve hatibû xwendin. Dozgeriya navçeyê bi hinceta " Sûcê heqaretê û gel tahrîkî kîn û dijminatiyê kiriye" derbarê Elfesya Nas û hûnermendê Navenda Çanda Mezopotamyayê ya Botanê Abdullah Ayav de lêpirsîn da destpêkirin.&nbsp;

	&nbsp;

	'EZ TAWANBARIYÊ QEBÛL NAKIM'&nbsp;

	&nbsp;

	Îro endama Meclîsa Giştî ya Bajêr a HDP'ê Elfesya Nas, bi parezerê xwe re çû û li Miduriyeta Polîsan a Navçeyê îfade da. Nas, di îfadeyê ku daye polîsan de wiha gotiye: “Ez vî sûcî qebûl nakim. Ev bûyereke civakî bû. Ji bo ku bûyerên bi vî rengî dubare nebin û tedbîr bên girtin me daxuyaniyek çapemeniyê da. Ez tawanbariya li ser xwe qebûl nakim."&nbsp;

	&nbsp;