
Danişîna nûçegihanê me Aslan hat taloqkirin 

2021-10-14 11:40:53


	&nbsp;

	STENBOL - Danişîna doza bi hinceta nûçeyên çêkirine ya derbarê nûçegihanê me Mehmet Aslan de hatibû vekirin, ji ber “xalên kêm” hat taloqkirin. &nbsp;

	&nbsp;

	2’yemîn danişîna doza derbarê nûçegihanê Ajansa Mezopotamya (MA) Mehmet Aslan de, bi hinceta nûçeyên çêkirine û hevdîtinên bi çavkaniyên xwe yên nûçeyan re kirine hatibû vekirin li 24’yemîn Dadgeha Cezayê Giran a Çaglayana Stenbolê hat dîtin. Aslan, bi îdîaya “endamtiya rêxistinê” û “rakirina girseyê ya raperînê/nûçeyên provokatîf çêkirinê” tê darizandin. Aslan û parêzerê wî Ozcan Kiliç, di danişînê de amade bûn.

	&nbsp;

	NIVÎSA JI MIDURIYETA POLÎSAN HAT&nbsp;

	&nbsp;

	Piştî danasîna nasnameyê danişînê dest pê kir. Şandeya dadgehê, nivîsa ji Miduriyeta Polîsan a Stenbolê hatibû parve kir û diyar kir ku navê Aslan, di îfadeyên kesên ku di çarçoveya "lêpirsînên PKK/KCK" de weke şahid an jî gumanbar hatine girtin de derbas nabe.

	&nbsp;

	Dûre mafê axaftinê ji bo Aslan hat dayîn. Aslan, da zanîn ku ew îfadeyên xwe yên berê dubare dike û wiha got: “Sedema bingehîn a ku ez îro li vir im, ji ber ku ez desthilatdariyê û polîtîkayên wê yên ku hem li hundir û hem jî li derve zirarek cidî didin, rexne dikime. Ez weke rojnamegerekî ji ber vê niha li ser kûrsiyê bersûc rûdinim.”&nbsp;

	&nbsp;

	Şandeya dadgehê, piştî navberê, biryar da ku xalên kêm ên di dosyayê de bên temamkirin û danişîn taloqî 16’ê Kanûnê kir.

	&nbsp;