
Dozger xwest ‘zarokên baş’ ên Pirtûkxaneya Umutê bombe kirin beraet bibin  

2021-10-21 12:24:24


	WAN - Di rûniştina 14’emîn a doza kiryarên ku Pirtûkxaneya Umut şewitandin de dozger derbarê sê bersûcan de beraetê xwest.&nbsp;

	Li navçeya Şemzînanê ya Colemêrgê di 9’ê Mijdara 2005’an de li dijî Pirtûkxaneya Umut êrişek bombeyî pêk hatibû. Binefserên wê demê Alî Kaya û Ozcan Îldenîz û îtîrafkar Veysel Ateş ji dozê tên darizandin. Doza wan ji nû ve hatibû vekirin. Rûniştina 14’emîn a dozê li 1’emîn Dadgeha Cezayê Giran a Wanê hat lidarxistin.&nbsp;

	&nbsp;

	XWEST BERSÛC WERIN CEZAKIRIN&nbsp;

	&nbsp;

	Her sê bersûc beşdarî dozê nebûn û xwediyê pirtûkxaneyê Seferî Yilmaz û parêzer li rûniştinê amade bûn. Seferî Yilmaz xwest bersûc werincezakirin.&nbsp;

	&nbsp;

	Parêzeran jî gotin necezakirina bersûcan ji aliyê wîjdanê civakê ve nayê qebûlkirin û xwestin bersûc werin cezakirin.&nbsp;

	&nbsp;

	Dozger xwest rojnamevanên ku dozê dişopînin ji eywanê werin derxistin. Parêzeran bertek nîşanî daxwaza dozger dan. Dozger derbarê esasê de mutalaya xwe pêşkêşî dadgehê kir û xwest bi hêceta “delîl têr nakin” her sê bersûc werin beraetkirin.&nbsp;

	&nbsp;

	Şandeya dadgehê rûniştinek din a dozê taloqî 20’ê kanûnê kir.&nbsp;

	&nbsp;

	&nbsp;