
DEDAŞ’ê dîsa li gundên Hezoyê ceyrana dînamoyên avê birî   

2021-10-25 16:19:54


	&nbsp;

	ÊLIH - DEDAŞ’ê li gelek gundên bi ser navçeya Hezoya Êlihê ve ceyrana dînamoyên avê birî û 5 roj in bi hezaran welatî bêav mane.&nbsp;

	&nbsp;

	Li gundan sepanên Şîrketa Belavkirina Ceryanê ya Dîcleyê (DEDŞ) ku derketine asta cezakirina welatiyan berdewam dikin. DEDAŞ’ê dîsa li gundên ku navê wan hatin hînbûn li Zîlan, Bacaxê, Holê, Huskut, Qeynter û Şabê yên bi ser navçeya Hezoya Êlihê ve ceyrana dînamoyên avê gundan birî û ava qut bû. DEDAŞ’ê li van gundên ku bi hezaran kes lê dijîn di 21’ê cotmehê de ceyrana dînomayan biriye.&nbsp;

	&nbsp;

	Gundiyan diyar kir ku DEDAŞ’ê bi hêceta “nedayîna deynê ceyranê” ceyrana xetên dînamoyan biriye û çend roj in bi hezaran welatî bêav mane û bi derfetên xwe pêdiviyên xwe avê dabîn dikin. Gundiyan da zanîn ku ew ava ji bo pêdiviyên xwe ji bîran an jî çemê Êlihê bi tangerêna tînin.&nbsp;

	&nbsp;

	HAVÎNÊ 23 ROJ BÊAV MABÛN&nbsp;

	&nbsp;

	DEDAŞ’ê li heman gundan di 23’yê hezîranê de jî ceyrana dînomoyên şebekeya avê birîbû û gund tevî germa havînê jî heta 15’ê tîrmehê bêav hatibûn hiştin û li ser bertekên raya giştî ceyran hatibû berdan.&nbsp;

	&nbsp;